14.2C Vancouver 14.2C VancouverNov 26, 2025 3:02 PM - Connect Newsroom - Ramandeep Kaur with files from The Canadian Press
ਕੈਨੇਡਾ ਵਿਚ ਠੰਡ ਅਚਾਨਕ ਵੱਧ ਸਕਦੀ ਹੈ। ਮੌਸਮ ਨੈੱਟਵਰਕ ਨੇ ਦਸੰਬਰ, ਜਨਵਰੀ ਅਤੇ ਫਰਵਰੀ ਲਈ ਜਾਰੀ ਮੌਸਮ ਭਵਿੱਖਬਾਣੀ ਵਿਚ ਕਿਹਾ ਹੈ ਕਿ ਕੈਨੇਡਾ ਦੇ ਜ਼ਿਆਦਾਤਰ ਹਿੱਸਿਆਂ ਵਿਚ ਸਰਦੀਆਂ ਦਾ ਤਾਪਮਾਨ ਆਮ ਜਾਂ ਇਸ ਤੋਂ ਵੱਧ ਠੰਡਾ ਦੇਖਣ ਨੂੰ ਮਿਲ ਸਕਦਾ ਹੈ, ਬਰਫਬਾਰੀ ਤੇ ਬਾਰਸ਼ ਵੀ ਨੌਰਮਲ ਦੇ ਆਸਪਾਸ ਜਾਂ ਇਸ ਤੋਂ ਜ਼ਿਆਦਾ ਹੋ ਸਕਦੇ ਹਨ।
ਮੌਸਮ ਵਿਗਿਆਨੀ ਡੱਗ ਗਿਲਹੈਮ ਨੇ ਕਿਹਾ ਕਿ ਪੱਛਮੀ ਕੈਨੇਡਾ ਲਈ ਇਹ ਯਾਦ ਰੱਖਣ ਵਾਲਾ ਦਸੰਬਰ ਹੋ ਸਕਦਾ ਹੈ, ਉਨ੍ਹਾਂ ਕਿਹਾ ਕਿ ਇਹ ਜ਼ਰੂਰੀ ਨਹੀਂ ਕਿ ਇਹ ਇਤਿਹਾਸਕ ਰੂਪ ਤੋਂ ਕੜਾਕੇ ਦੀ ਸਰਦੀ ਹੋਵੇਗੀ ਪਰ ਇਹ ਦਸੰਬਰ ਅਤੇ ਜਨਵਰੀ ਉਸ ਤੋਂ ਜ਼ਿਆਦਾ ਠੰਡੇ ਹੋਣ ਵਾਲੇ ਹਨ ਜਿੰਨਾ ਅਸੀਂ ਹਾਲ ਹੀ ਦੇ ਕਈ ਸਾਲਾਂ ਵਿਚ ਦੇਖਦੇ ਆਏ ਹਾਂ।
ਗਿਲਹੈਮ ਨੇ ਕਿਹਾ ਕਿ ਸਰਦੀਆਂ ਦਾ ਇਹ ਸਾਲ ਕੁੱਲ ਮਿਲਾ ਕੇ ਪਿਛਲੇ ਸਾਲ ਦੀ ਤਰ੍ਹਾਂ ਹੀ ਹੋਵੇਗਾ ਪਰ ਠੰਡ ਦੇ ਸੰਕੇਤ ਥੋੜ੍ਹੇ ਮਜਬੂਤ ਹਨ। ਇਨ੍ਹਾਂ ਸੰਕੇਤਾਂ ਵਿਚੋਂ ਇੱਕ ਪੋਲਰ ਵੌਰਟੈਕਸ ਹੈ,ਜੋ ਕਿ ਆਰਕਟਿਕ ਤੋਂ 50 ਕਿਲੋਮੀਟਰ ਉੱਪਰ ਤੱਕ ਚੱਕਰ ਲਗਾਉਣ ਵਾਲੀਆਂ ਤੇਜ਼ ਹਵਾਵਾਂ ਹਨ ਇਹ ਠੰਡੀ ਹਵਾ ਨੂੰ ਖੰਭੇ ਕੋਲ ਰੱਖਦੀਆਂ ਹਨ। ਦੂਜਾ ਕਮਜ਼ੋਰ ਲਾ ਨੀਨਾ ਹੈ।
ਗਿਲਹੈਮ ਨੇ ਕਿਹਾ ਕਿ ਇਨ੍ਹਾਂ ਦੋ ਫੈਕਟਰਸ ਨੂੰ ਇਕੱਠੇ ਦੇਖੀਏ ਤਾਂ ਬਹੁਤ ਜ਼ਿਆਦਾ ਤਾਪਮਾਨ ਦੇ ਲੰਮੇ ਸਮੇਂ ਤੱਕ ਖਿੱਚਣ ਦੀ ਸੰਭਾਵਨਾ ਵੱਧ ਜਾਂਦੀ ਹੈ। ਉਨ੍ਹਾਂ ਕਿਹਾ ਕਿ ਸਰਦੀਆਂ ਦੀਆਂ ਗਤੀਵਿਧੀਆਂ ਨੂੰ ਆਨੰਦਦਾਇਕ ਕਰਨ ਵਾਲਿਆਂ ਲਈ ਇਹ ਚੰਗਾ ਸੀਜ਼ਨ ਹੋ ਸਕਦਾ ਹੈ।
