18.19C Vancouver 18.19C VancouverSep 21, 2020 3:39 PM -
ਤਿੰਨ ਲਾਅ ਇਨਫੋਰਸਮੈਂਟ ਅਧਿਕਾਰੀਆਂ ਮੁਤਾਬਕ ਵ੍ਹਾਈਟ ਹਾਊਸ ਨੂੰ ਇੱਕ ਬੰਦ ਲਿਫਾਫੇ ਵਿੱਚ ਜ਼ਹਿਰੀਲਾ ਰਾਇਸਨ ਭੇਜਣ ਦੇ ਮਾਮਲੇ ਵਿੱਚ ਇੱਕ ਔਰਤ ਨੂੰ ਨਿਊਯਾਰਕ ਕੈਨੇਡਾ ਬਾਰਡਰ ਉੱਤੇ ਗ੍ਰਿਫ਼ਤਾਰ ਕਰ ਲਿਆ ਗਿਆ ਹੈ।
ਅਧਿਕਾਰੀਆਂ ਅਨੁਸਾਰ ਔਰਤ ਨੂੰ ਯੂ.ਐੱਸ.ਕਸਟਮਜ਼ ਐਂਡ ਬਾਰਡਰ ਪ੍ਰੋਟੈਕਸ਼ਨ ਅਫਸਰਾਂ ਨੇ ਹਿਰਾਸਤ ਵਿੱਚ ਲੈ ਲਿਆ ਹੈ ਅਤੇ ਉਸ ਉੱਤੇ ਫੈਡਰਲ ਚਾਰਜ ਲੱਗਣ ਦੀ ਉਮੀਦ ਹੈ।
ਆਰ.ਸੀ.ਐੱਮ.ਪੀ. ਮੁਤਾਬਕ ਵ੍ਹਾਈਟ ਹਾਊਸ ਨੂੰ ਸੰਬੋਧਨ ਕੀਤੀ ਗਈ ਚਿੱਠੀ ਕੈਨੇਡਾ ਤੋਂ ਭੇਜੀ ਗਈ ਸੀ।
ਅਧਿਕਾਰੀਆਂ ਮੁਤਾਬਕ ਚਿੱਠੀ ਉਸ ਸਰਕਾਰੀ ਫੈਸਿਲਿਟੀ ਵਿਖੇ ਬਰਾਮਦ ਕੀਤੀ ਗਈ ਜਿੱਥੇ ਵ੍ਹਾਈਟ ਹਾਊਸ ਅਤੇ ਰਾਸ਼ਟਰਪਤੀ ਡੌਨਲਡ ਟਰੰਪ ਨੂੰ ਭੇਜੀਆਂ ਗਈਆਂ ਚਿੱਠੀਆਂ ਦੀ ਸਕ੍ਰੀਨਿੰਗ ਕੀਤੀ ਜਾਂਦੀ ਹੈ।
ਮੁੱਢਲੀ ਜਾਂਚ ਤੋਂ ਬਾਅਦ ਚਿੱਠੀ ਵਿੱਚ ਰਾਇਸਨ ਦੇ ਹੋਣ ਦੀ ਪੁਸ਼ਟੀ ਕੀਤੀ ਗਈ।
ਆਰ.ਸੀ.ਐੱਮ.ਪੀ. ਮੁਤਾਬਕ ਇਸ ਮਾਮਲੇ ਦੀ ਤਫਤੀਸ਼ ਵਿੱਚ ਸਹਿਯੋਗ ਪ੍ਰਦਾਨ ਕਰਨ ਲਈ ਮੌਂਟਰੀਅਲ ਦੇ ਦੱਖਣ ਵਿੱਚ ਇੱਕ ਖਾਸ ਔਪਰੇਸ਼ਨ ਦੀ ਸ਼ੁਰੂਆਤ ਕੀਤੀ ਗਈ ਹੈ।
