8.15C Vancouver 8.15C VancouverApr 11, 2022 8:21 PM - Connect News
ਐਬਟਸਫੋਰਡ 'ਚ ਇੱਕ ਔਰਤ ਨੂੰ ਏਅਰਲਿਫਟ ਕੀਤੇ ਜਾਣ ਸੰਬੰਧੀ ਘਟਨਾ ਬਾਰੇ ਪੁਲਿਸ ਨੇ ਵੇਰਵੇ ਸਾਂਝੇ ਕੀਤੇ ਹਨ।
ਅਫਸਰਾਂ ਨੂੰ ਐਤਵਾਰ ਸਵੇਰ ਕਰੀਬ 10.47 ਵਜੇ ਕਲੀਅਰਬਰੂਕ ਰੋਡ ਦੇ 1700 ਬਲੌਕ 'ਚ ਸੱਦਿਆ ਗਿਆ ਸੀ।
ਪੁਲਿਸ ਨੂੰ ਇੱਕ ਔਰਤ ਬਾਰੇ ਖਬਰ ਮਿਲੀ ਸੀ ਕਿ ਉਹ ਸੜਕ 'ਤੇ ਡਿੱਗੀ ਪਈ ਸੀ।
ਮੌਕੇ 'ਤੇ ਪਹੁੰਚ ਪੁਲਿਸ ਨੇ ਵੇਖਿਆ ਕਿ 50 ਸਾਲਾ ਔਰਤ ਨੂੰ ਬੇਹੱਦ ਗੰਭੀਰ ਸੱਟਾਂ ਲੱਗੀਆਂ ਸਨ।
ਪੁਲਿਸ ਅਨੁਸਾਰ ਔਰਤ ਉਸ ਵੇਲੇ ਗੱਡੀ ਵਿੱਚੋਂ ਉੱਤਰੀ ਸੀ ਜਦ ਗੱਡੀ ਤੁਰ ਰਹੀ ਸੀ।
ਔਰਤ ਨੂੰ ਏਅਰ ਐਂਬੂਲੈਂਸ ਜਰੀਏ ਹਸਪਤਾਲ ਪਹੁੰਚਾਇਆ ਗਿਆ।
ਜਾਂਚ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਔਰਤ ਸਾਲ 2017 ਦੇ ਚਾਂਦੀ ਰੰਗੇ ਡੌਜ ਪਿਕਅਪ ਟਰੱਕ ਦੇ ਵਿੱਚ ਸਵਾਰੀ ਦੇ ਤੌਰ 'ਤੇ ਸਵਾਰ ਸੀ।
ਇਸ ਟਰੱਕ ਦੀ ਐਲਬਰਟਾ ਦੀ ਲਾਈਸੈਂਸ ਪਲੇਟ ਦੱਸੀ ਗਈ ਹੈ।
ਵਾਹਨ ਇੱਕ 39 ਸਾਲਾ ਆਦਮੀ ਚਲਾ ਰਿਹਾ ਸੀ।
ਪੁਲਿਸ ਨੇ ਦੱਸਿਆ ਕਿ ਵਾਹਨ ਚਾਲਕ ਮੌਕੇ 'ਤੇ ਹੀ ਮੌਜੂਦ ਰਿਹਾ।
ਔਰਤ ਅਤੇ ਆਦਮੀ ਬਾਰੇ ਦੱਸਿਆ ਗਿਆ ਕਿ ਦੋਵੇਂ ਇੱਕ-ਦੂਜੇ ਨੂੰ ਜਾਣਦੇ ਸਨ।
ਮਾਮਲੇ ਦੀ ਜਾਂਚ ਐਬਟਸਫੋਰਡ ਪੁਲਿਸ ਦੇ ਮੇਜਰ ਕਰਾਈਮ ਯੂਨਿਟ ਵੱਲੋਂ ਕੀਤੀ ਜਾ ਰਹੀ ਹੈ।
ਜਾਂਚ ਅਧਿਕਾਰੀਆਂ ਨੇ ਘਟਨਾ 'ਚ ਸ਼ਾਮਿਲ ਟਰੱਕ ਦੀ ਤਸਵੀਰ ਵੀ ਸਾਂਝੀ ਕੀਤੀ ਹੈ।
