19.59C Vancouver 19.59C VancouverSep 22, 2021 7:10 PM -
ਮੈਟਰੋ ਵੈਨਕੂਵਰ ਟ੍ਰਾਂਜ਼ਿਟ ਪੁਲਿਸ ਦਾ ਕਹਿਣਾ ਹੈ ਕਿ ਉਹ 2 ਸ਼ੱਕੀਆਂ ਦੀ ਭਾਲ ਕਰ ਰਹੇ ਹਨ ਜਿੰਨਾ ਇੱਕ ਔਰਤ ਨਾਲ ਸਕਾਈਟਰੇਨ 'ਚ ਕੁੱਟਮਾਰ ਕੀਤੀ।
ਦੋਵਾਂ ਲੋਕਾਂ ਨੇ ਕਥਿਤ ਤੌਰ 'ਤੇ ਮਾਸਕ ਪਹਿਨਣ ਨੂੰ ਆਖੇ ਜਾਣ 'ਤੇ ਔਰਤ 'ਤੇ ਹਮਲਾ ਕੀਤਾ ਸੀ।
ਕੋਵਿਡ-19 ਪੈਂਡੈਮਿਕ ਵਿਚਾਲੇ ਟ੍ਰਾਂਜ਼ਿਟ ਯਾਤਰਾ ਦੌਰਾਨ ਮਾਸਕ ਪਹਿਨਣਾ ਲਾਜਮੀ ਬਣਾਇਆ ਜਾ ਚੁੱਕਿਆ ਹੈ।
ਪੁਲਿਸ ਅਨੁਸਾਰ ਘਟਨਾ ਸੋਮਵਾਰ ਸ਼ਾਮ ਦੇ ਸਮੇਂ ਵਾਪਰੀ ਜਦ ਔਰਤ ਬਰਨਬੀ ਸਟੇਸ਼ਨ ਵੱਲ ਜਾ ਰਹੀ ਸੀ ਅਤੇ ਇਸੇ ਦੌਰਾਨ ਉਸ ਦੇ ਨੇੜੇ ਬੈਠੀ ਇੱਕ ਔਰਤ ਅਤੇ ਇੱਕ ਆਦਮੀ ਨੂੰ ਉਸ ਨੇ ਮਾਸਕ ਪਹਿਨਣ ਨੂੰ ਕਿਹਾ।
ਇਸ ਤੋਂ ਬਾਅਦ ਕਥਿਤ ਤੌਰ 'ਤੇ ਮਾਸਕ ਪਹਿਨਣ ਤੋਂ ਇਨਕਾਰ ਕਰਨ ਵਾਲੀ ਔਰਤ ਨੇ ਇਸ ਔਰਤ 'ਤੇ ਜ਼ੋਰਦਾਰ ਮੁੱਕੇ ਦਾ ਵਾਰ ਕੀਤਾ।
ਪੀੜਤ ਔਰਤ ਸੀਟ ਤੋਂ ਡਿੱਗ ਗਈ।
ਕਥਿਤ ਤੌਰ 'ਤੇ ਦੋਵਾਂ ਸ਼ੱਕੀਆਂ ਨੇ ਔਰਤ 'ਤੇ ਵਾਰ-ਵਾਰ ਲੱਤ-ਮੁੱਕਿਆਂ ਦੇ ਵਾਰ ਕੀਤੇ ਅਤੇ ਫਿਰ ਮੈਟਰੋਟਾਊਨ ਸਟੇਸ਼ਨ ਕੋਲ ਉੱਤਰ ਗਏ।
ਦੋਵਾਂ ਦੀ ਉਮਰ 20 ਤੋਂ 30 ਸਾਲ ਦਰਮਿਆਨ ਦੱਸੀ ਜਾ ਰਹੀ ਹੈ।
