10.4C Vancouver 10.4C VancouverNov 25, 2020 9:34 PM -
ਬੀ.ਸੀ. ਦੇ ਨੈਲਸਨ ਇਲਾਕੇ 'ਚ ਇੱਕ ਹੋਟਲ ਵਰਕਰ ਨੂੰ ਦਿਲ ਦਾ ਦੌਰਾ ਪਿਆ ਹੈ।
ਧਿਆਨ ਦੇਣ ਵਾਲੀ ਗੱਲ ਇਹ ਹੈ ਕਿ ਇਸ ਹੋਟਲ ਵਰਕਰ ਨੇ ਇੱਕ ਵਿਅਕਤੀ ਨੂੰ ਹੋਟਲ ਦੀ ਕੌਫੀ ਸ਼ੌਪ 'ਤੇ ਮਾਸਕ ਪਹਿਨਣ ਨੂੰ ਕਿਹਾ ਸੀ, ਜਿਸ ਨੇ ਮਾਸਕ ਪਹਿਨਣ ਜਾਂ ਕੌਫੀ ਸ਼ੌਪ ਤੋਂ ਜਾਣ ਤੋਂ ਇਨਕਾਰ ਕੀਤਾ।
ਇਸ ਤੋਂ ਬਾਅਦ ਕਹਾਸੁਣੀ ਤੋਂ ਕੁਝ ਸਮੇਂ ਬਾਅਦ ਹੋਟਲ ਵਰਕਰ ਨੂੰ ਦਿਲ ਦਾ ਦੌਰਾ ਪਿਆ ਦੱਸਿਆ ਗਿਆ।
ਵਿਅਕਤੀ ਨੇ ਕੌਫੀ ਸ਼ੌਪ ਤੋਂ ਜਾਣ ਤੋਂ ਪਹਿਲਾਂ ਹੋਟਲ ਵਰਕਰ 'ਤੇ ਕਥਿਤ ਤੌਰ 'ਤੇ ਥੁੱਕਿਆ ਵੀ ਸੀ।
ਘਟਨਾ 'ਦ ਐਡਵੈਂਚਰ ਹੋਟਲ' ਨਾਲ ਸੰਬੰਧਤ ਦੱਸੀ ਗਈ ਹੈ।
ਪੀੜਤ ਇੱਕ ਔਰਤ ਦੱਸੀ ਗਈ ਹੈ ਤੇ ਉਸ ਦੀ ਉਮਰ 50 ਤੋਂ 60 ਸਾਲ ਦੇ ਦਰਮਿਆਨ ਦੱਸੀ ਗਈ ਹੈ।
ਕਹਾਸੁਣੀ ਤੋਂ ਕਰੀਬ 90 ਮਿੰਟ ਬਾਅਦ ਔਰਤ ਨੂੰ ਦਿਲ ਦਾ ਦੌਰਾ ਪੈ ਗਿਆ।
ਨੈਲਸਨ ਪੁਲਿਸ ਨੇ ਜਾਣਕਾਰੀ ਦਿੱਤੀ ਕਿ ਇਸ ਵਿਅਕਤੀ ਨੂੰ ਹਿਰਾਸਤ 'ਚ ਲੈ ਲਿਆ ਗਿਆ ਸੀ।
ਪੁਲਿਸ ਵੱਲੋਂ ਜਾਨਣ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ ਕਿ ਥੁੱਕਣ ਦੀ ਘਟਨਾ ਤੇ ਦਿਲ ਦੇ ਦੌਰੇ 'ਚ ਕੋਈ ਸੰਬੰਧ ਤਾਂ ਨਹੀਂ ਸੀ।
ਵਰਕਰ ਨੂੰ ਆਈ.ਸੀ.ਯੂ. 'ਚ ਰੱਖਿਆ ਹੋਇਆ ਹੈ।
