19.7C Vancouver 19.7C VancouverDec 29, 2021 10:45 PM - The Canadian Press
ਹਾਕੀ ਦੀ ਵਰਲਡ ਜੂਨੀਅਰ ਚੈਂਪੀਅਨਸ਼ਿਪ ਨੂੰ ਰੱਦ ਕੀਤਾ ਜਾ ਰਿਹਾ ਹੈ।
ਇਹ ਚੈਂਪੀਅਨਸ਼ਿਪ ਐਲਬਰਟਾ ਦੇ ਐਡਮਿੰਟਨ ਅਤੇ ਰੈਡ ਡੀਅਰ 'ਚ ਖੇਡੀ ਜਾ ਰਹੀ ਸੀ।
ਜਿੱਥੇ ਇੱਕ ਪਾਸੇ ਕੋਵਿਡ-19 ਆਊਟਬ੍ਰੇਕਸ ਵਿਚਾਲੇ ਐਨ.ਐਚ.ਐਲ. ਨੂੰ ਰੋਕ ਲਿਆ ਗਿਆ ਸੀ, ਉੱਥੇ ਹੀ ਵਰਲਡ ਜੂਨੀਅਰਸ ਦੇ ਮੁਕਾਬਲੇ ਜਾਰੀ ਸਨ।
ਹਾਲਾਂਕਿ ਬੀਤੇ 2 ਦਿਨ 'ਚ ਕੋਵਿਡ-19 ਮਾਮਲਿਆਂ ਵਿਚਾਲੇ 3 ਗੇਮਸ ਰੱਦ ਹੋ ਚੁੱਕੀਆਂ ਸਨ।
ਲਗਾਤਾਰ ਗੇਮਸ ਰੱਦ ਹੋਣ ਵਿਚਾਲੇ ਇੰਟਰਨੈਸ਼ਨਲ ਆਈਸ ਹਾਕੀ ਫੈਡਰੇਸ਼ਨ, ਹਾਕੀ ਕੈਨੇਡਾ ਅਤੇ ਪ੍ਰਬੰਧਕ ਕਮੇਟੀ ਕੋਲ ਚੈਂਪੀਅਨਸ਼ਿਪ ਨੂੰ ਰੱਦ ਕਰਨ ਤੋਂ ਇਲਾਵਾ ਕੋਈ ਹੋਰ ਬਹੁਤੇ ਆਪਸ਼ਨ ਨਹੀਂ ਰਹਿ ਗਏ ਸਨ।
ਇਸ 11 ਦਿਨ ਤਕ ਜਾਰੀ ਰਹਿਣ ਵਾਲੀ ਚੈਂਪੀਅਨਸ਼ਿਪ 'ਚ 10 ਦੇਸ਼ ਹਿੱਸਾ ਲੈ ਰਹੇ ਸਨ।
ਖੇਡਾਂ ਦੇ 2 ਦਿਨ ਵਿਚਾਲੇ ਕੋਵਿਡ-19 ਤੋਂ ਪਾਜ਼ਿਟਿਵ ਪਾਏ ਜਾਣ ਕਾਰਨ ਅਮਰੀਕਾ, ਰੂਸ ਅਤੇ ਚੈਕ ਰਿਪਬਲਿਕ ਨੂੰ ਮੈਂਡੇਟੋਰੀ ਕੁਆਰੰਟੀਨ 'ਚ ਜਾਣਾ ਪੈ ਗਿਆ ਸੀ।
ਯਾਦ ਰਹੇ ਕੈਨੇਡਾ ਦੀ ਜਰਮਨੀ ਦੇ ਨਾਲ ਤੀਜੀ ਪ੍ਰੀਲਿਮਨਰੀ ਗੇਮ 'ਚ ਅੱਜ ਰਾਤ ਟੱਕਰ ਹੋਣੀ ਸੀ।
ਐਲਬਰਟਾ 'ਚ ਹੋ ਰਹੀ ਚੈਂਪੀਅਨਸ਼ਿਪ 'ਚ ਹਿੱਸਾ ਲੈਣ ਲਈ ਟੀਮਾਂ 15 ਦਿਸੰਬਰ ਤੋਂ ਸੂਬੇ 'ਚ ਪਹੁੰਚ ਗਈਆਂ ਹਨ।
