13.86C Vancouver 13.86C VancouverDec 24, 2024 6:07 PM - Connect Newsroom
ਬੀ.ਸੀ. ਦੇ ਪ੍ਰੀਮੀਅਰ ਡੇਵਿਡ ਈਬੀ ਨੇ ਸਾਲ ਦੇ ਅੰਤ ਵਿੱਚ ਇੰਟਰਵਿਊ ਵਿਚ ਇਸ ਸਾਲ ਦੀਆਂ ਚੋਣਾਂ ਨੂੰ ਆਪਣੇ ਪੂਰੇ ਰਾਜਨੀਤਕ ਜੀਵਨ ਦੀਆਂ ਸਭ ਤੋਂ ਚੁਣੌਤੀਪੂਰਨ ਕਰਾਰ ਦਿੱਤਾ ਹੈ। ਉਨ੍ਹਾਂ ਕਿਹਾ ਕਿ ਇਨ੍ਹਾਂ ਚੋਣਾਂ ਵਿਚ ਉਨ੍ਹਾਂ ਨੂੰ ਆਪਣੇ ਪੂਰੇ ਸਿਆਸੀ ਕਰੀਅਰ ਵਿਚ ਸਭ ਤੋਂ ਵੱਧ ਸਿਖਣ ਨੂੰ ਮਿਲਿਆ।
ਈਬੀ ਨੇ ਕਿਹਾ ਕਿ ਵੋਟਰਾਂ ਨੇ ਸਾਨੂੰ ਜੋ ਸੰਦੇਸ਼ ਦਿੱਤਾ ਉਹ ਇਹ ਸੀ ਕਿ ਅਸੀਂ ਤੁਹਾਨੂੰ ਇੱਕ ਹੋਰ ਮੌਕਾ ਦੇ ਰਹੇ ਹਾਂ ਪਰ ਸਾਡੀ ਕਮਿਊਨਿਟੀ ਲਈ ਬਿਹਤਰ ਕੰਮ ਕਰਨਾ ਹੋਵੇਗਾ। ਪ੍ਰੀਮੀਅਰ ਨੇ ਇਹ ਵੀ ਸਵੀਕਾਰ ਕੀਤਾ ਕਿ ਉਨ੍ਹਾਂ ਦੀ ਪਾਰਟੀ ਪੇਂਡੂ ਇਲਾਕਿਆਂ ਵਿਚ ਬਿਹਤਰ ਸੰਪਰਕ ਸਥਾਪਿਤ ਕਰਨ ਵਿਚ ਅਸਫਲ ਰਹੀ।
ਈਬੀ ਨੇ ਕਿਹਾ ਕਿ ਉਹ ਹੁਣ ਇਸ ਚੀਜ਼ ਨੂੰ ਬਦਲਣਗੇ। ਇਸ ਦੇ ਨਾਲ ਹੀ ਉਨ੍ਹਾਂ ਜਨਤਕ ਸੁਰੱਖਿਆ ’ਤੇ ਵੀ ਗੰਭੀਰਤਾ ਪ੍ਰਗਟਾਈ, ਈਬੀ ਨੇ ਡਾਊਨਟਾਊਨ ਵੈਨਕੂਵਰ ਵਿਚ ਇਸ ਫੌਲ ਵਿਚ ਵਾਪਰੀਆਂ ਹਮਲੇ ਦੀਆਂ ਘਟਨਾਵਾਂ ਦਾ ਜ਼ਿਕਰ ਕਰਦੇ ਕਿਹਾ ਕਿ ਜਲਦ ਹੀ ਮਾਨਸਿਕ ਸਿਹਤ ਅਤੇ ਨਸ਼ੇ ਸਬੰਧੀ ਅਣਇੱਛਤ ਦੇਖਭਾਲ ਨਿਯਮ ਆ ਰਹੇ ਹਨ।
ਉਥੇ ਹੀ, ਪ੍ਰਤੀ ਪਰਿਵਾਰ $1,000 ਦੇ ਗ੍ਰੋਸਰੀ ਰਿਬੇਟ ਚੈੱਕ ’ਤੇ ਈਬੀ ਨੇ ਕਿਹਾ ਕਿ ਇਹ ਜਲਦ ਆ ਰਹੇ ਹਨ ਪਰ ਉਨ੍ਹਾਂ ਈਸਟਰ ਤੋਂ ਪਹਿਲਾਂ ਇਨ੍ਹਾਂ ਦੀ ਡਿਲਿਵਰੀ ਲਈ ਵਚਨਬਧਤਾ ਨਹੀਂ ਪ੍ਰਗਟਾਈ।
