16.43C Vancouver 16.43C VancouverDec 30, 2022 1:19 AM - Connect News
ਸਾਲ 2022 ਦਾ ਅੰਤ ਹੋਣ 'ਚ ਹੁਣ 2 ਦਿਨ ਦਾ ਸਮਾਂ ਬਾਕੀ ਹੈ।
ਅਜਿਹੇ 'ਚ ਸਾਲ 2022 ਨੂੰ ਅਲਵਿਦਾ ਆਖਦਿਆਂ ਸਰ੍ਹੀ ਦੀ ਮੇਅਰ ਬ੍ਰੈਂਡਾ ਲੌਕ ਨੇ ਇੱਕ ਸੁਨੇਹਾ ਸਾਂਝਾ ਕੀਤਾ ਹੈ।
ਉਨ੍ਹਾਂ ਕਿਹਾ ਕਿ ਜਿੱਥੇ ਆਪਾਂ ਨਵੇਂ ਸਾਲ ਦਾ ਸਵਾਗਤ ਕਰਨ ਲਈ ਤਿਆਰ ਹਾਂ, ਉੱਥੇ ਹੀ ਸਿਟੀ ਆਫ ਸਰ੍ਹੀ ਵੀ ਕੁਝ ਟ੍ਰਾਂਸਫੌਰਮੇਟਿਵ ਬਦਲਾਵਾਂ ਵਿੱਚੋਂ ਲੰਘ ਰਹੀ ਹੈ।
ਉਨ੍ਹਾਂ ਕਿਹਾ ਕਿ ਮੇਅਰ ਦੇ ਤੌਰ 'ਤੇ ਉਨ੍ਹਾਂ ਦਾ ਸਮਾਂ ਅਜੇ ਸ਼ੁਰੂ ਹੀ ਹੋਇਆ ਹੈ ਪਰ ਇਸ ਜ਼ਿੰਮੇਵਾਰੀ 'ਤੇ ਘੱਟ ਸਮੇਂ 'ਚ ਕੰਮ-ਕਾਜ 'ਚ ਲੋਕਾਂ ਪ੍ਰਤੀ ਵਧੇਰੇ ਟ੍ਰਾਂਸਪੇਰੈਂਸੀ ਲਿਆਉਣ, ਲੋਕਾਂ ਦੀ ਪਾਰਟੀਸੀਪੇਸ਼ਨ ਅਤੇ ਕੰਮ-ਕਾਜ ਪ੍ਰਤੀ ਓਪਨਨੈਸ ਲਿਆਉਣ ਲਈ ਅਹਿਮ ਕਦਮ ਚੁੱਕੇ ਗਏ ਹਨ।
ਉਨ੍ਹਾਂ ਕਿਹਾ ਕਿ ਐਥਿਕਸ ਕਮਿਸ਼ਨਰ ਨੂੰ ਰਿਸਟੋਰ ਕੀਤਾ ਜਾ ਰਿਹਾ ਹੈ ਅਤੇ ਵਧੇਰੇ ਸੁਤੰਤਰਤਾ ਨਾਲ ਇਸ ਦੀ ਮਜ਼ਬੂਤੀ ਵਧਾਉਣ ਦੀ ਕੋਸ਼ਿਸ਼ ਹੈ।
ਉਨ੍ਹਾਂ ਕਿਹਾ ਕਿ ਸਰ੍ਹੀ ਸਿਟੀ ਡਵੈਲਪਮੈਂਟ ਕੌਰਪੋਰੇਸ਼ਨ ਵੀ ਆਪ੍ਰੇਸ਼ਨ ਮੁੜ ਆਰੰਭਣ ਜਾ ਰਹੀ ਹੈ।
ਮੇਅਰ ਲੌਕ ਨੇ ਕਿਹਾ ਕਿ ਸਾਲ 2023 ਦੀ ਸ਼ੁਰੂਆਤ ਵਿਚਾਲੇ ਯਾਦ ਰੱਖਿਆ ਜਾਵੇ ਕਿ ਸਿਟੀ ਕਾਉਂਸਿਲ ਤੁਹਾਡੇ ਨਾਲ ਹੈ ਅਤੇ ਤੁਹਾਡੀ ਆਵਾਜ਼ ਸੁਣੀ ਜਾਵੇਗੀ ਅਤੇ ਲੋਕਾਂ ਦੀ ਸਲਾਹ ਅਹਿਮ ਹੈ।
ਉਨ੍ਹਾਂ ਆਪਣੇ ਸੁਨੇਹੇ ਦੇ ਅੰਤ 'ਚ ਕਿਹਾ, ਹੈਪੀ ਨਿਊ ਈਅਰ ਟੁ ਆਲ।
