19.7C Vancouver 19.7C VancouverNov 24, 2022 1:32 AM - Connect News
ਸਰ੍ਹੀ 'ਚ ਮੰਗਲਵਾਰ ਨੂੰ ਵਾਪਰੀ ਚਾਕੂ ਨਾਲ ਹਮਲੇ ਦੀ ਜਾਨਲੇਵਾ ਵਾਰਦਾਤ 'ਚ ਇੱਕ ਪਾਸੇ ਪਰਿਵਾਰ ਪੁਲਿਸ ਦੀ ਕਾਰਵਾਈ ਅਤੇ ਸੋਸ਼ਲ ਮੀਡੀਆ 'ਤੇ ਕਥਿਤ ਗੈਂਗ ਹਿੰਸਾ ਸੰਬੰਧੀ ਟਿੱਪਣੀਆਂ 'ਤੇ ਸਵਾਲ ਚੁੱਕ ਰਿਹਾ ਹੈ ਅਤੇ ਦੂਜੇ ਪਾਸੇ ਇੰਟੈਗ੍ਰੇਟਿਡ ਹੋਮੀਸਾਈਡ ਇਨਵੈਸਟੀਗੇਸ਼ਨ ਟੀਮ (ਆਈ.ਹਿਟ) ਮਾਮਲੇ 'ਚ ਅਪਡੇਟ ਸਾਂਝੀ ਕਰ ਰਹੀ ਹੈ।
ਆਈ.ਹਿਟ ਦਾ ਕਹਿਣਾ ਹੈ ਕਿ ਮੰਗਲਵਾਰ ਦੁਪਹਿਰ ਕਰੀਬ 12 ਵਜੇ ਵਾਪਰੀ ਚਾਕੂ ਚੱਲਣ ਦੀ ਵਾਰਦਾਤ 'ਚ 18 ਸਾਲਾ ਮਹਿਕਪ੍ਰੀਤ ਸੇਠੀ ਦੀ ਮੌਤ ਹੋ ਗਈ ਹੈ।
ਪੀੜਤ ਲੜਕੇ ਦੀ ਪਛਾਣ ਸਾਂਝੀ ਕਰਨ ਤੋਂ ਇਲਾਵਾ ਆਈ.ਹਿਟ ਨੇ ਜਾਣਕਾਰੀ ਦਿੱਤੀ ਹੈ ਕਿ ਮਾਮਲੇ 'ਚ ਇੱਕ 17 ਸਾਲਾ ਸ਼ੱਕੀ ਨੂੰ ਆਈਡੈਂਟੀਫਾਈ ਕੀਤਾ ਹੈ ਅਤੇ ਸ਼ੱਕੀ ਨੂੰ ਲੋਕੇਟ ਕਰ ਹਿਰਾਸਤ 'ਚ ਲੈ ਲਿਆ ਗਿਆ ਹੈ।
ਮਹਿਕਪ੍ਰੀਤ ਸੇਠੀ ਦੀ ਤਸਵੀਰ ਵੀ ਸਾਂਝੀ ਕੀਤੀ ਗਈ ਹੈ।
ਆਈ.ਹਿਟ ਵੱਲੋਂ ਮੰਨਿਆ ਜਾ ਰਿਹਾ ਹੈ ਕਿ ਪੀੜਤ ਅਤੇ ਹਮਲਾਵਰ ਇੱਕ-ਦੂਜੇ ਨੂੰ ਜਾਣਦੇ ਸਨ ਅਤੇ ਘਟਨਾ ਨੂੰ ਇਲਾਕੇ ਦੀ ਗੈਂਗ ਹਿੰਸਾ ਨਾਲ ਜੁੜੀ ਨਹੀਂ ਮੰਨਿਆ ਜਾ ਰਿਹਾ।
ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਘਟਨਾ ਮੌਕੇ ਕਈ ਵਿਦਿਆਰਥੀ ਅਤੇ ਲੋਕ ਮੌਜੂਦ ਸਨ ਅਤੇ ਜੇਕਰ ਕਿਸੇ ਕੋਲ ਘਟਨਾ ਦੀ ਜਾਣਕਾਰੀ ਹੈ ਤਾਂ ਪੁਲਿਸ ਨੂੰ ਦੱਸਿਆ ਜਾਵੇ।
