ਯੂਕਰੇਨੀ ਕੈਬਨਿਟ 'ਚ ਫੇਰਬਦਲ , ਯੂਲੀਆ ਸਵੀਰੀਡੇੰਕੋ ਨੂੰ ਦੇਸ਼ ਦੀ ਨਵੀਂ ਪ੍ਰਧਾਨ ਮੰਤਰੀ ਕੀਤਾ ਗਿਆ ਨਿਯੁਕਤ

ਯੂਕਰੇਨ ਦੀ ਆਰਥਿਕ ਮੰਤਰੀ ਅਤੇ ਅਮਰੀਕਾ ਨਾਲ ਖਣਿਜ ਸੌਦੇ ਦੀ ਮੁੱਖ ਵਾਰਤਾਕਾਰ ਯੂਲੀਆ ਸਵੀਰੀਡੇੰਕੋ ਨੂੰ ਦੇਸ਼ ਦੀ ਨਵੀਂ ਪ੍ਰਧਾਨ ਮੰਤਰੀ ਨਿਯੁਕਤ ਕਰ ਦਿੱਤਾ ਗਿਆ ਹੈ।

ਇਸ ਨਿਯੁਕਤੀ ਸਬੰਧੀ ਸੰਸਦ ਵਿਚ ਵੋਟਿੰਗ ਹੋਈ। ਜਾਣਕਾਰੀ ਅਨੁਸਾਰ 450 ਸੀਟਾਂ ਵਾਲੀ ਸੰਸਦ ਵਿੱਚ 262 ਨੇ ਯੂਲੀਆ ਸਵੀਰੀਡੇੰਕੋ ਨੂੰ ਵੋਟ ਦਿੱਤੀ, ਜੋ ਕਿ ਇੱਕ ਸਪੱਸ਼ਟ ਬਹੁਮਤ ਹੈ। 39 ਸਾਲਾ ਯੂਲੀਆ ਸਵੀਰੀਡੇੰਕੋ ਨਵੰਬਰ 2021 ਤੋਂ ਆਰਥਿਕ ਮੰਤਰੀ ਅਤੇ ਯੂਕ੍ਰੇਨ ਦੇ ਉਪ ਪ੍ਰਧਾਨ ਮੰਤਰੀਆਂ ਵਿੱਚੋਂ ਇੱਕ ਵਜੋਂ ਸੇਵਾ ਨਿਭਾਅ ਰਹੇ ਹਨ।

ਯੂਲੀਆ ਸਵੀਰੀਡੇੰਕੋ ਨੂੰ ਡੈਨਿਸ ਸ਼ਮੀਹਾਲ ਦੀ ਜਗ੍ਹਾ ਚੁਣਿਆ ਗਿਆ ਹੈ , ਜੋ 2020 ਤੋਂ ਪ੍ਰਧਾਨ ਮੰਤਰੀ ਦਾ ਅਹੁਦਾ ਸੰਭਾਲ ਰਹੇ ਸਨ। ਯੂਕਰੇਨ ਦੇ ਰਾਸ਼ਟਰਪਤੀ ਵੋਲੋਦੀਮੀਰ ਜ਼ੇਲੇਨਸਕੀ ਵੱਲੋਂ ਦੇਸ਼ ਵਿੱਚ ਨਵੀਂ ਊਰਜਾ ਭਰਨ ਅਤੇ ਹਥਿਆਰਾਂ ਦੇ ਉਤਪਾਦਨ ਨੂੰ ਵਧਾਉਣ ਦੇ ਯਤਨਾਂ ਕਰਕੇ ਮੰਤਰੀ ਮੰਡਲ ਵਿੱਚ ਫੇਰਬਦਲ ਕੀਤਾ ਗਿਆ ਹੈ।