ਜਰਮਨੀ 'ਚ ਰੇਲਵੇ ਸਟੇਸ਼ਨ 'ਤੇ ਕੀਤੇ ਗਏ ਚਾਕੂ ਹਮਲੇ 'ਚ 12 ਲੋਕ ਜ਼ਖ਼ਮੀ

ਜਰਮਨੀ ਦੇ ਸ਼ਹਿਰ ਹੈਮਬਰਗ ਦੇ ਮੁੱਖ ਰੇਲਵੇ ਸਟੇਸ਼ਨ 'ਤੇ ਚਾਕੂ ਨਾਲ ਕੀਤੇ ਗਏ ਹਮਲੇ ਵਿਚ 12 ਲੋਕ ਜ਼ਖਮੀ ਹੋਏ ਹਨ। ਲੋਕਲ ਮੀਡੀਆ ਰਿਪੋਰਟਸ ਵਿਚ ਕਿਹਾ ਗਿਆ ਹੈ ਕਿ ਪੀੜਤਾਂ ਵਿਚੋਂ ਤਿੰਨ ਦੀ ਹਾਲਤ ਗੰਭੀਰ ਹੈ, ਜਦੋਂ ਕਿ ਤਿੰਨ ਹੋਰ ਦੀ ਸਥਿਤੀ ਨਾਜ਼ੁਕ ਹੈ। ਪੁਲਿਸ ਨੇ ਸ਼ੱਕੀ ਨੂੰ ਗ੍ਰਿਫਤਾਰ ਕੀਤਾ ਹੈ।

ਰਿਪੋਰਟਸ ਮੁਤਾਬਕ, ਹਮਲਾ ਸਟੇਸ਼ਨ ਦੇ ਪਲੇਟਫਾਰਮ 13 ਅਤੇ 14 ਕੋਲ ਹੋਇਆ, ਜਿੱਥੇ ਮੁੱਖ ਮਾਰਗ ਰਾਹੀਂ ਆਸਾਨੀ ਨਾਲ ਪਹੁੰਚਿਆ ਜਾ ਸਕਦਾ ਹੈ। ਹੈਮਬਰਗ ਸੈਂਟਰਲ ਸਟੇਸ਼ਨ ਜਰਮਨੀ ਦੇ ਸਭ ਤੋਂ ਵਿਅਸਤ ਆਵਾਜਾਈ ਕੇਂਦਰ ਵਿਚੋਂ ਇੱਕ ਹੈ, ਇਸ ਦੀ ਵੈੱਬਸਾਈਟ ਅਨੁਸਾਰ, ਪ੍ਰਤੀ ਦਿਨ 550,000 ਤੋਂ ਵੱਧ ਯਾਤਰੀ ਇੱਥੇ ਆਉਂਦੇ-ਜਾਂਦੇ ਹਨ। ਸ਼ੁੱਕਰਵਾਰ ਦੇ ਵਿਅਸਤ ਸਮੇਂ ਇੱਥੇ ਅਕਸਰ ਭੀੜ ਹੁੰਦੀ ਹੈ।