22.39C Vancouver 22.39C VancouverApr 16, 2020 12:29 AM -
ਐਲਬਰਟਾ ਦੇ ਵਿੱਚ ਪ੍ਰੀਮਿਅਰ ਜੇਸਨ ਕੈਨੀ ਅਤੇ ਸੂਬੇ ਦੇਹੋਰ ਅਧਿਕਾਰੀਆਂ ਵੱਲੋਂ ਨਿਊਜ ਕਾਨਫਰੰਸ ਦਾ ਸੰਬੋਧਨ ਕਰ, ਸੂਬੇ ਦੇ ਵਾਇਰਸ ਸੰਬੰਧੀ ਅੰਕੜਿਆਂ ਦੇ ਵੇਰਵੇ ਸਾਂਝੇ ਕੀਤੇ ਗਏ।
ਸੂਬੇ 'ਚ ਕੋਵਿਡ-19 ਦੇ 126 ਹੋਰ ਮਾਮਲੇ ਉਜਾਗਰ ਹੋਣ ਦੀ ਜਾਣਕਾਰੀ ਸਾਂਝੀ ਕੀਤੀ ਗਈ ਹੈ।
ਹੁਣ ਸੂਬੇ 'ਚ ਵਾਇਰਸ ਸੰਬੰਧੀ ਪੀੜਤਾਂ ਦੀ ਗਿਣਤੀ 1,996 ਤਕ ਪਹੁੰਚ ਗਈ ਹੈ।
ਜੇਸਨ ਕੈਨੀ ਨੇ ਦੱਸਿਆ ਕਿ ਕੱਲ ਤੇ ਅੱਜ ਵਿਚਾਲੇ ਕਿਸੇ ਹੋਰ ਵਾਇਰਸ ਪੀੜਤ ਨੇ ਦਮ ਨਹੀਂ ਤੋੜਿਆ, ਜਿਸਦੇ ਨਾਲ ਦਮ ਤੋੜ ਚੁੱਕੇ ਸੂਬੇ ਦੇ ਵਾਇਰਸ ਪੀੜਤਾਂ ਦੀ ਗਿਣਤੀ 48 'ਤੇ ਟਿਕੀ ਹੋਈ ਹੈ।
ਉਨ੍ਹਾਂ ਕਿਹਾ ਕਿ ਲਗਾਤਾਰ ਕੀਤੇ ਜਾ ਰਹੇ ਟੈਸਟ ਸੂਬੇ ਲਈ ਬੇਹਦ ਜਰੂਰੀ ਹਨ, ਅਤੇ ਉਨ੍ਹਾਂ ਕਿਹਾ ਕਿ ਹਸਪਤਾਲਾਂ 'ਚ ਹੋ ਰਹੇ ਦਾਖਿਲਿਆਂ ਦੀ ਗਿਣਤੀ ਵੀ ਜਾਦਾ ਨਹੀਂ ਹੈ।
ਪ੍ਰੀਮਿਅਰ ਨੇ ਕਿਹਾ ਕਿ ਸੂਬਾ ਸਰਕਾਰ $53 ਮਿਲੀਅਨ ਮਾਨਸਿਕ ਸਿਹਤ ਅਤੇ ਐਡਿਕਸ਼ਨ ਸੇਵਾਵਾਂ ਸੰਬੰਧੀ ਕੰਮ ਲਈ ਜਾਰੀ ਕਰ ਰਹੇ ਹਨ।
ਇਸਤੋਂ ਅਲਾਵਾ ਸੂਬੇ ਦੀ ਚੀਫ ਮੈਡੀਕਲ ਅਫਸਰ ਡਾ. ਡੀਨਾ ਹਿੰਸ਼ਾ ਨੇ ਦੱਸਿਆ ਕਿ ਫੋਰਟ ਮੈਕਮਰੀ ਕੋਲ ਆਇਲਸੈਂਡਸ ਵਰਕ ਸਾਈਟ 'ਤੇ ਵੀ ਵਾਇਰਸ ਸੰਬੰਧੀ ਆਊਟਬ੍ਰੇਕ ਸਾਹਮਣੇ ਆਇਆ ਹੈ।
ਉਨ੍ਹਾਂ ਦੱਸਿਆ ਕਿ ਇਥੇ 3 ਲੋਕਾਂ ਨੂੰ ਵਾਇਰਸ ਪੀੜਿਤ ਪਾਇਆ ਗਿਆ ਸੀ।
