16.58C Vancouver 16.58C VancouverMar 18, 2022 1:02 AM - The Canadian Press
ਨੈਸ਼ਨਲ ਟਰਾਂਸਪੋਰਟੇਸ਼ਨ ਸੇਫਟੀ ਬੋਰਡ ਦੇ ਬੁਲਾਰੇ ਦਾ ਕਹਿਣਾ ਹੈ ਕਿ ਟੈਕਸਸ 'ਚ ਵਾਪਰੇ ਜਾਨਲੇਵਾ ਕਰੈਸ਼ 'ਚ ਖੁਲਾਸਾ ਹੋਇਆ ਹੈ ਕਿ ਘਟਨਾ 'ਚ ਸ਼ਾਮਿਲ ਪਿਕਅਪ ਟਰੱਕ ਇੱਕ 13 ਸਾਲਾ ਟੀਨੇਜਰ ਵੱਲੋਂ ਚਲਾਇਆ ਜਾ ਰਿਹਾ ਸੀ।
ਇਸ ਤੋਂ ਪਹਿਲਾਂ ਵੀਰਵਾਰ ਨੂੰ ਦੱਸਿਆ ਗਿਆ ਸੀ ਕਿ ਪਿਕਅਪ ਟਰੱਕ ਮੱਧ-ਰੇਖਾ ਪਾਰ ਕਰ ਗਿਆ ਸੀ ਅਤੇ ਸਾਹਮਣੇ ਤੋਂ ਆਉਂਦੀ ਵੈਨ ਨਾਲ ਟਕਰਾ ਗਿਆ ਸੀ।
ਘਟਨਾ ਐਂਡਰਿਊਸ ਕਾਉਂਟੀ ਕੋਲ ਵਾਪਰੀ ਸੀ।
ਪਹਿਲਾਂ ਜਾਣਕਾਰੀ ਉਜਾਗਰ ਹੋਈ ਸੀ ਕਿ ਪਿਕਅਪ ਟਰੱਕ 'ਚ ਸਵਾਰ 2 ਲੋਕਾਂ ਦੀ ਮੌਤ ਹੋ ਗਈ ਹੈ ਪਰ ਅੱਜ ਸਪਸ਼ਟ ਕੀਤਾ ਗਿਆ ਕਿ ਇਸ ਦਾ ਚਾਲਕ ਇੱਕ 13 ਸਾਲਾ ਟੀਨੇਜਰ ਸੀ।
ਯਾਦ ਰਹੇ ਟੈਕਸਸ 'ਚ ਲਰਨਰਸ ਲਾਈਸੈਂਸ ਹਾਸਿਲ ਕਰਨ ਲਈ ਕਲਾਸਰੂਮ ਕਲਾਸਿਸ ਹਾਸਿਲ ਕਰਨ ਲਈ ਘਟੋ-ਘੱਟ ਉਮਰ 14 ਸਾਲ ਦੀ ਹੈ।
ਯਾਦ ਰਹੇ ਇਸ ਘਟਨਾ 'ਚ 9 ਲੋਕਾਂ ਦੀ ਮੌਤ ਹੋ ਗਈ ਹੈ।
ਘਟਨਾ 'ਚ 2 ਔਂਟੈਰੀਓ ਵਾਸੀਆਂ ਦੀ ਹਾਲਤ ਨਾਜੁਕ ਦੱਸੀ ਗਈ ਹੈ।
ਮ੍ਰਿਤਕ ਲੋਕਾਂ 'ਚ ਨਿਊ ਮੈਕਸੀਕੋ ਯੂਨੀਵਰਸਿਟੀ ਦੇ 6 ਵਿਦਿਆਰਥੀ ਅਤੇ ਇੱਕ ਕੋਚ ਵੀ ਸ਼ਾਮਿਲ ਸਨ।
ਪੀੜਤਾਂ ਦੇ ਵਿੱਚ ਪੁਰਤਗਾਲ ਅਤੇ ਮੈਕਸੀਕੋ ਤੋਂ ਯੂਨੀਵਰਸਿਟੀ ਆਫ ਸਾਊਥਵੈਸਟ ਦੇ ਵਿਦਿਆਰਥੀ ਵੀ ਸ਼ਾਮਿਲ ਸਨ।
2 ਕਨੇਡੀਅਨ ਵਿਦਿਆਰਥੀਆਂ ਨੂੰ ਹਸਪਤਾਲ ਪਹੁੰਚਾਇਆ ਗਿਆ।
ਗੰਭੀਰ ਰੂਪ 'ਚ ਜਖਮੀ ਹੋਏ ਕਨੇਡੀਅਨਸ ਦੀ ਪਛਾਣ 19 ਸਾਲਾ ਡੇਟਨ ਪ੍ਰਾਈਸ ਅਤੇ 20 ਸਾਲਾ ਹੇਡਨ ਅੰਡਰਹਿਲ ਵਜੋਂ ਹੋਈ ਹੈ।
