14.49C Vancouver 14.49C VancouverJan 19, 2021 8:31 PM -
ਮਿਸ਼ਨ 'ਚ ਆਰ.ਸੀ.ਐਮ.ਪੀ. ਦਾ ਕਹਿਣਾ ਹੈ ਕਿ ਸਕੂਲ ਗਰਾਉਂਡਸ 'ਚ ਵਾਪਰੇ ਇੱਕ ਹੋਰ ਹਿੰਸਾ ਦੇ ਮਾਮਲੇ ਵਿੱਚ ਇੱਕ 14 ਸਾਲਾ ਵਿਦਿਆਰਥਣ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ।
ਹਾਲਾਂਕਿ ਜਾਂਚ ਜਾਰੀ ਹੋਣ ਦੇ ਕਾਰਨ ਇਸ ਵਿਦਿਆਰਥਣ ਨੂੰ ਰਿਹਾਅ ਕਰ ਦਿੱਤਾ ਗਿਆ।
ਪੁਲਿਸ ਦਾ ਕਹਿਣਾ ਹੈ ਕਿ 'ਹੈਰੀਟੇਜ ਪਾਰਕ ਮਿਡਲ ਸਕੂਲ' ਦੀ ਇਸ ਵਿਦਿਆਰਥਣ ਨੂੰ ਬੀਤੇ ਬੁੱਧਵਾਰ ਨੂੰ ਗ੍ਰਿਫਤਾਰ ਕੀਤਾ ਗਿਆ ਸੀ।
ਇਸ ਤੋਂ ਪਹਿਲਾਂ ਇਸੇ ਸਕੂਲ ਨਾਲ ਸੰਬੰਧਤ ਇੱਕ ਵੀਡੀਓ ਉਜਾਗਰ ਹੋਈ ਸੀ, ਜਿਸ ਤੋਂ ਬਾਅਦ 2 ਲੜਕੀਆਂ ਨੂੰ ਗ੍ਰਿਫਤਾਰ ਕੀਤਾ ਗਿਆ ਸੀ।
ਇਹ ਵੀਡੀਓ ਬੀਤੇ ਸੋਮਵਾਰ ਸਾਹਮਣੇ ਆਈ ਸੀ।
ਇਸ ਵੀਡੀਓ 'ਚ 2 ਲੜਕੀਆਂ ਨੂੰ ਲੱਤਾਂ ਨਾਲ ਕੁੱਟਦੇ ਵੇਖਿਆ ਜਾ ਸਕਦਾ ਹੈ, ਜਦਕਿ ਕੋਲ ਖੜੀ ਭੀੜ ਹੱਸਦੀ ਸੁਣੀ ਜਾ ਸਕਦੀ ਹੈ।
ਹਮਲੇ ਤੋਂ ਪੀੜਤ 13 ਸਾਲਾ ਟ੍ਰਾਂਸਜੈਂਡਰ ਵਿਦਿਆਰਥੀ ਦੇ ਲਈ ਸਹਿਯੋਗ ਜ਼ਾਹਿਰ ਕਰਨ ਲਈ ਐਤਵਾਰ ਨੂੰ ਇੱਕ ਡ੍ਰਾਈਵ-ਬਾਈ ਰੈਲੀ ਵੀ ਕੱਢੀ ਗਈ ਸੀ।
