10.7C Vancouver 10.7C VancouverApr 24, 2020 2:03 AM -
ਵਾਈਟ ਰੌਕ ਦੇ ਇੱਕ ਵਿਅਕਤੀ ਦਾ ਕਹਿਣਾ ਹੈ ਕਿ ਓਹ ਆਪਣੇ ਵਾਸ਼ਰੂਮ 'ਚ ਸੀ, ਜਦ ਉਸਨੇ ਵੇਖਿਆ ਕਿ ਉਸਨੇ ਲੋਟੋ-649 ਦੇ ਸਾਰੇ ਨੰਬਰਾਂ ਵਾਲੀ ਟਿਕਟ ਹਾਸਿਲ ਕੀਤੀ ਹੋਈ ਹੈ।
ਟਿਬੋਰ ਟੂਸ਼ਨਾਡੀ ਦਾ ਕਹਿਣਾ ਸੀ ਕਿ ਉਸਨੇ ਗੂਗਲ ਕਰਕੇ ਵੇਖਿਆ ਕਿ ਆਖਿਰ 15 ਅਪ੍ਰੈਲ ਦੇ ਡਰਾਅ ਦੇ ਨੰਬਰ ਕਿ ਸਨ।
ਉਨ੍ਹਾਂ ਕਿਹਾ ਕਿ ਨੰਬਰ ਵੇਖੇ ਕੇ ਓਹ ਹੈਰਾਨ ਹੋ ਗਿਆ ਅਤੇ ਨੰਬਰਾਂ ਨੂੰ ਲਗਾਤਾਰ ਵੇਖਦਾ ਰਿਹਾ।
ਫੇਰ ਲਗਾਤਾਰ ਨੰਬਰ ਵੇਖ ਕੇ ਤਸੱਲੀ ਕਰਨ ਤੋਂ ਬਾਅਦ ਉਸਨੂੰ ਅਹਿਸਾਸ ਹੋਇਆ ਕਿ ਓਹ $16 ਮਿਲੀਅਨ ਦੇ ਜੈਕਪੌਟ ਦਾ ਜੇਤੂ ਬਣ ਗਿਆ ਹੈ।
ਉਨ੍ਹਾਂ ਕਿਹਾ ਕਿ ਪੂਰੇ ਮਾਮਲੇ ਨੂੰ ਲੈਕੇ ਇੰਨੀ ਹੈਰਾਨੀ ਹੋ ਗਈ ਸੀ ਕਿ ਆਪਣੀ ਪਤਨੀ ਨੂੰ ਦੱਸਣ ਲਈ ਉਨ੍ਹਾਂ ਕੋਲ ਸ਼ਬਦ ਹੀ ਨਹੀਂ ਸਨ।
ਰਾਤ ਨੂੰ ਸੌਣ ਤੋਂ ਬਾਅਦ ਅਗਲੇ ਦਿਨ ਦੁਪਹਿਰ ਦੇ ਸਮੇਂ, ਉਨ੍ਹਾਂ ਆਪਣੀ ਪਤਨੀ ਨੂੰ ਇਸ ਜਿੱਤ ਦੀ ਜਾਣਕਾਰੀ ਦਿੱਤੀ।
ਟੂਸ਼ਨਾਡੀ ਨੇ ਕਿਹਾ ਕਿ ਕੋਵਿਡ-19 ਕਾਰਨ ਬਣੇ ਹਾਲਾਤਾਂ ਦੇ ਖਤਮ ਹੋਣ ਤੋਂ ਬਾਅਦ, ਓਹ ਆਪਣੇ ਪਰਿਵਾਰ ਨਾਲ ਟਰੈਵਲ ਕਰਨਾ ਚਾਹੁੰਦਾ ਹੈ, ਅਤੇ ਪਹਿਲੀ ਫੇਰੀ ਲਈ ਜਗ੍ਹਾ ਦੀ ਚੋਣ ਉਸਦੀ ਪਤਨੀ ਵੱਲੋਂ ਕੀਤੀ ਜਾਵੇਗੀ।
