12.67C Vancouver 12.67C VancouverMay 3, 2022 8:30 PM - Connect News
ਬੀ.ਸੀ. 'ਚ ਮਾਰਚ ਮਹੀਨੇ ਦੇ ਓਵਰਡੋਜ਼ ਸੰਬੰਧੀ ਮੌਤਾਂ ਦੇ ਅੰਕੜੇ ਸਾਂਝੇ ਕੀਤੇ ਗਏ ਹਨ।
ਬੀ.ਸੀ. ਕੋਰੋਨਰ ਆਫਿਸ ਨੇ ਜਾਣਕਾਰੀ ਦਿੱਤੀ ਹੈ ਕਿ ਸਾਲ 2022 ਦੇ ਤੀਜੇ ਮਹੀਨੇ ਵਿੱਚ ਓਵਰਡੋਜ਼ ਸੰਬੰਧੀ 165 ਮੌਤਾਂ ਦਰਜ ਕੀਤੀਆਂ ਗਈਆਂ ਹਨ।
ਇਹ ਲਗਾਤਾਰ 18ਵਾਂ ਮਹੀਨਾ ਹੈ ਜਦ ਸੂਬੇ 'ਚ ਓਵਰਡੋਜ਼ ਸੰਬੰਧੀ 150 ਤੋਂ ਵੱਧ ਮੌਤਾਂ ਰਿਪੋਰਟ ਹੋਈਆਂ ਹਨ।
ਬੀਤੇ ਸਾਲ ਦੇ ਇਸੇ ਸਮੇਂ ਮੁਕਾਬਲੇ ਓਵਰਡੋਜ਼ ਸੰਬੰਧੀ ਮੌਤਾਂ 'ਚ 5% ਦੀ ਗਿਰਾਵਟ ਦੱਸੀ ਗਈ ਹੈ।
ਜਾਨ ਗਵਾਉਣ ਵਾਲਿਆਂ 'ਚ ਵਧੇਰੇ ਗਿਣਤੀ 30 ਤੋਂ 59 ਸਾਲ ਵਿਚਾਲੇ ਦੇ ਪੁਰਸ਼ਾਂ ਦੀ ਦੱਸੀ ਗਈ ਹੈ।
ਇਸ ਵਿੱਚ ਵਧੇਰੇ ਓਵਰਡੋਜ਼ ਸੰਬੰਧੀ ਮੌਤਾਂ 'ਚ ਫੈਂਟਾਨਿਲ ਦੇ ਨਸ਼ੇ ਨੂੰ ਕਾਰਨ ਦੱਸਿਆ ਗਿਆ ਹੈ।
ਹਾਲਾਂਕਿ ਓਵਰਡੋਜ਼ ਸੰਬੰਧੀ ਮੌਤਾਂ 'ਚ ਬੈਨਜ਼ੋ-ਡਾਇਆ-ਜ਼ੈਪਿਨ ਦੇ ਨਸ਼ੇ ਸੰਬੰਧੀ ਮੌਤਾਂ ਵਿੱਕੁਝ ਗਿਰਾਵਟ ਹੋਈ ਦੱਸੀ ਗਈ ਆ ਹੈ।
ਮਾਰਚ ਮਹੀਨੇ ਵਿੱਚ ਇਸ ਨਸ਼ੇ ਨਾਲ ਸੰਬੰਧਤ ਮੌਤਾਂ 'ਚ 32% ਦੀ ਗਿਰਾਵਟ ਹੋਈ ਦੱਸੀ ਗਈ ਹੈ।
ਬੀ.ਸੀ. ਸੈਂਟਰ ਫਾਰ ਡਿਜੀਜ ਕੰਟਰੋਲ ਦਾ ਕਹਿਣਾ ਹੈ ਕਿ ਬੈਨਜ਼ੋ ਦੇ ਨਸ਼ੇ 'ਤੇ ਪੀੜਤਾਂ ਦੇ ਰਿਵਾਈਵਲ ਲਈ ਨੈਲੋਕਸੋਨ ਕਿਟਸ ਵੀ ਬੇਅਸਰ ਸਾਬਿਤ ਹੋ ਰਹੇ ਹਨ।
ਮਾਰਚ 'ਚ ਔਸਤ ਅਨੁਸਾਰ ਪ੍ਰਤੀ ਦਿਨ 5 ਤੋਂ ਵੱਧ ਲੋਕਾਂ ਨੇ ਓਵਰਡੋਜ਼ ਕਾਰਨ ਜਾਨ ਗਵਾ ਦਿੱਤੀ।
