11.88C Vancouver 11.88C VancouverApr 28, 2025 12:52 PM - The Canadian Press
ਵੈਨਕੂਵਰ ਵਿਚ ਸ਼ਨੀਵਾਰ ਰਾਤ ਨੂੰ ਫਿਲਪੀਨੋ ਕੈਨੇਡੀਅਨ ਕਮਿਊਨਿਟੀ ਦੇ ਲਾਪੂ-ਲਾਪੂ ਸਟ੍ਰੀਟ ਤਿਉਹਾਰ ਦੌਰਾਨ ਇੱਕ ਕਾਲੇ ਰੰਗ ਦੀ ਆਡੀ ਐਸਯੂਵੀ ਨੇ ਦਰਜਨਾਂ ਲੋਕਾਂ ਨੂੰ ਦਰੜ ਦਿੱਤਾ, ਜਿਸ ਵਿਚ 11 ਲੋਕਾਂ ਦੀ ਮੌਤ ਹੋ ਗਈ ਅਤੇ ਕਈ ਹੋਰ ਜ਼ਖਮੀ ਹੋ ਗਏ।
ਮਰਨ ਵਾਲਿਆਂ ਵਿਚ ਇੱਕ ਪੰਜ ਸਾਲਾ ਲੜਕੀ ਵੀ ਸ਼ਾਮਲ ਸੀ। ਪੁਲਿਸ ਨੇ ਇਸ ਮਾਮਲੇ ਵਿਚ ਵੈਨਕੂਵਰ ਦੇ 30 ਸਾਲਾ ਕਾਈ-ਜੀ ਐਡਮ ਲੋ ਨੂੰ ਕਤਲ ਦੇ 8 ਦੋਸ਼ਾਂ ਨਾਲ ਚਾਰਜ ਕੀਤਾ ਹੈ। ਇਹ ਘਟਨਾ ਸ਼ਨੀਵਾਰ ਰਾਤ 8 ਵਜੇ ਦੇ ਕਰੀਬ ਵਾਪਰੀ, ਜਿਸ ਨਾਲ ਫਿਲਪੀਨੋ ਕੈਨੇਡੀਅਨ ਕਮਿਊਨਿਟੀ ਦੇ ਲੋਕਾਂ ਦਾ ਜ਼ਸ਼ਨ ਮਾਤਮ ਵਿਚ ਬਦਲ ਗਿਆ। ਵੈਨਕੂਵਰ ਪੁਲਿਸ ਦੇ ਕਾਰਜਕਾਰੀ ਪੁਲਿਸ ਮੁਖੀ ਸਟੀਵ ਰਾਏ ਨੇ ਇਸ ਹਮਲੇ ਨੂੰ ਸ਼ਹਿਰ ਦੇ ਇਤਿਹਾਸ ਦਾ ਸਭ ਤੋਂ ਕਾਲਾ ਦਿਨ ਦੱਸਿਆ।
ਇਸ ਤਿਉਹਾਰ ਵਿਚ ਫਿਲਪੀਨੋ ਕੈਨੇਡੀਅਨ ਕਮਿਊਨਿਟੀ ਦੇ 100,000 ਤੱਕ ਲੋਕ ਸ਼ਾਮਲ ਹੋਏ ਸਨ। ਵੈਨਕੂਵਰ ਪੁਲਿਸ ਮੁਤਾਬਕ, ਜ਼ਖਮੀਆਂ ਵਿਚੋਂ 17 ਲੋਕ ਅਜੇ ਵੀ ਹਸਪਤਾਲ ਵਿਚ ਹਨ, ਜਿਨ੍ਹਾਂ ਵਿਚੋਂ ਕੁਝ ਦੀ ਹਾਲਤ ਗੰਭੀਰ ਤੇ ਨਾਜ਼ੁਕ ਹੈ ਅਤੇ ਹੋਰਾਂ ਨੂੰ ਗੈਰ-ਜਾਨਲੇਵਾ ਸੱਟਾ ਲੱਗੀਆਂ ਸਨ।
