15.79C Vancouver 15.79C VancouverSep 14, 2026 6:02 PM - Connect Newsroom - Ramandeep Kaur with files from The Canadian Press
ਬੀ.ਸੀ. ਕੰਜ਼ਰਵੇਟਿਵ ਦੇ ਬਾਗੀ ਵਿਧਾਇਕਾਂ ਵਿਚੋਂ ਇੱਕ ਹੋਰ ਵਿਧਾਇਕਾ Donegal Wilson ਨੇ ਪੀਟਰ ਮਿਲੋਬਾਰ ਦੀ ਨਵੀਂ ਪਾਰਟੀ ਨੂੰ ਜੁਆਇੰਨ ਕਰਨ ਦਾ ਐਲਾਨ ਕੀਤਾ ਹੈ, ਜਿਸ ਨਾਲ ਉਹ ਇਸ ਨਵੇਂ ਗਰੁੱਪ ਦੀ 7ਵੀਂ ਵਿਧਾਇਕ ਬਣ ਗਈ ਹੈ।
ਬਾਉਂਡਰੀ-ਸਿਮਿਲਕਾਮੀਨ ਰਾਈਡਿੰਗ ਦੀ ਨੁਮਾਇੰਦਗੀ ਕਰਨ ਵਾਲੀ Wilson ਨੇ ਬਿਆਨ ਵਿਚ ਕਿਹਾ ਕਿ ਉਸ ਨੇ ਬੀ.ਸੀ. ਕੰਜ਼ਰਵੇਟਿਵ ਲੀਡਰ ਕੈਰੀ-ਲਿਨ ਫਿੰਡਲੇ ਦੀਆਂ ਨੀਤੀਆਂ ਨਾਲ ਅਸਹਿਮਤੀ ਕਾਰਨ ਪਾਰਟੀ ਛੱਡੀ ਸੀ ਅਤੇ ਮਿਲੋਬਾਰ ਦੀ ਨਵੀਂ ਪਾਰਟੀ ਦਾ ਮਕਸਦ ਸੂਬੇ ਦੇ ਲੋਕਾਂ ਲਈ ਬੀ. ਸੀ. ਐਨ.ਡੀ.ਪੀ. ਦੇ ਮੁਕਾਬਲੇ ਇੱਕ ਮਜ਼ਬੂਤ ਬਦਲ ਤਿਆਰ ਕਰਨਾ ਹੈ।
ਇਸ ਨਵੇਂ ਉਲਟਫੇਰ ਤੋਂ ਬਾਅਦ ਹੁਣ ਬੀ.ਸੀ. ਵਿਧਾਨ ਸਭਾ ਵਿਚ ਨਵੀਂ ਪਾਰਟੀ ਤੀਜੀ ਵੱਡੀ ਧਿਰ ਹੋਵੇਗੀ। ਗੌਰਤਲਬ ਹੈ ਕਿ ਇਸ ਸਮੇਂ ਸੱਤਾਧਾਰੀ ਐੱਨ.ਡੀ.ਪੀ. ਕੋਲ 47, ਬੀ.ਸੀ. ਕੰਜ਼ਰਵੇਟਿਵ ਕੋਲ 28 ਅਤੇ ਬੀ.ਸੀ. ਗ੍ਰੀਨਜ਼ ਕੋਲ 2 ਸੀਟਾਂ ਹਨ। 7 ਹੋਰ ਸਾਬਕਾ ਬੀ.ਸੀ. ਕੰਜ਼ਰਵੇਟਿਵ ਵਿਧਾਇਕ ਆਜ਼ਾਦ ਵਜੋਂ ਭੂਮਿਕਾ ਨਿਭਾ ਰਹੇ ਹਨ।
ਮਿਲੋਬਾਰ ਅਤੇ ਡੈਲਟਾ ਸਾਊਥ ਤੋਂ ਵਿਧਾਇਕ ਇਆਨ ਪੈਟਨ ਨੇ ਬੀਤੇ ਮਹੀਨੇ ਨਵੀਂ ਪਾਰਟੀ ਦੀ ਸ਼ੁਰੂਆਤ ਕੀਤੀ ਸੀ,ਜਿਸ ਵਿਚ ਮਿਲੋਬਾਰ ਅਕਤੂਬਰ ਵਿਚ ਹੋਣ ਵਾਲੀ ਕਾਕਸ ਵੋਟਿੰਗ ਤੱਕ ਅੰਤਰਿਮ ਲੀਡਰ ਵਜੋਂ ਸੇਵਾਵਾਂ ਨਿਭਾ ਰਹੇ ਹਨ।
