22.52C Vancouver 22.52C VancouverOct 26, 2023 5:54 PM -
ਅਮਰੀਕਾ ਦੇ ਸੂਬੇ ਮੇਨ ਦੇ ਲੁਈਸਟਨ ਸ਼ਹਿਰ 'ਚ ਰਾਤ ਵੇਲੇ ਇੱਕ ਵਿਅਕਤੀ ਵੱਲੋਂ ਕੀਤੀ ਅੰਨ੍ਹੇਵਾਹ ਗੋਲੀਬਾਰੀ ਕੀਤੀ ਗਈ, ਜਿਸ ਕਾਰਨ 'ਚ 18 ਲੋਕ ਮਾਰੇ ਗਏ ਹਨ।ਇਸ ਹਮਲੇ ਵਿੱਚ 13 ਲੋਕ ਜ਼ਖਮੀ ਹੋ ਗਏ ਹਨ।
ਗਵਰਨਰ ਜੈਨੇਟ ਮਿਲਜ਼ ਨੇ ਵੀਰਵਾਰ ਨੂੰ ਇੱਕ ਪ੍ਰੈਸ ਕਾਨਫਰੰਸ ਵਿੱਚ ਇਹ ਜਾਣਕਾਰੀ ਦਿੱਤੀ ਹੈ।
ਹਮਲਾਵਰ ਨੇ ਇੱਕ ਰੈਸਟੋਰੈਂਟ ਅਤੇ ਬੌਲਿੰਗ ਐਲੀ ਵਿੱਚ ਗੋਲੀਆਂ ਚਲਾਈਆਂ ਤੇ ਕਈ ਲੋਕਾਂ ਨੂੰ ਮੌਤ ਦੇ ਘਾਟ ਉਤਾਰ ਦਿੱਤਾ।
ਅਧਿਕਾਰੀਆਂ ਨੇ ਲੋਕਾਂ ਨੂੰ ਅਪੀਲ ਕੀਤੀ ਕਿ ਉਹ ਘਰ ਦੇ ਅੰਦਰ ਰਹਿਣ ਤੇ ਸੜਕਾਂ ’ਤੇ ਨਾ ਨਿਕਲਣ, ਕਿਉਂਕਿ ਅਜੇ ਤੱਕ ਹਮਲਾਵਰ ਨੂੰ ਪੁਲਿਸ ਕਾਬੂ ਨਹੀਂ ਕਰ ਸਕੀ।
ਪੁਲਿਸ ਨੇ ਸੋਸ਼ਲ ਮੀਡੀਆ 'ਤੇ ਦੋ ਫੋਟੋਆਂ ਜਾਰੀ ਕੀਤੀਆਂ ਜਿਨ੍ਹਾਂ ਵਿੱਚ ਇੱਕ ਵਿਅਕਤੀ ਨੂੰ ਮੋਢੇ 'ਤੇ ਚੁੱਕੇ ਹਥਿਆਰ ਨਾਲ ਇੱਕ ਬਿਲਡਿੰਗ ਵਿੱਚ ਜਾਂਦੇ ਹੋਏ ਦਿਖਾਇਆ ਗਿਆ ਹੈ।
ਮਿਲਜ਼ ਦਾ ਕਹਿਣਾ ਹੈ ਕਿ ਗੋਲੀਬਾਰੀ ਕਰਨ ਵਾਲੇ ਸ਼ੱਕੀ ਰਾਬਰਟ ਕਾਰਡ ਨੂੰ ਹਥਿਆਰਬੰਦ ਅਤੇ ਖਤਰਨਾਕ ਮੰਨਿਆ ਜਾਂਦਾ ਹੈ, ਲੋਕਾਂ ਨੂੰ ਚੇਤਾਵਨੀ ਦਿੰਦੇ ਹਨ ਉਹ ਉਸ ਕੋਲ ਨਾ ਜਾਣ।
ਇਸ ਹਮਲਾ ਨਾਲ ਲੋਕ ਕਾਫ਼ੀ ਡਰੇ ਹੋਏ ਨੇ। ਫਿਲਹਾਲ ਚੱਪੇ ਚੱਪੇ 'ਤੇ ਪੁਲਿਸ ਤਾਇਨਾਤ ਕੀਤੀ ਗਈ ਹੈ।
