12.27C Vancouver 12.27C VancouverJul 2, 2021 4:28 PM -
ਮਾਐਮੀ ਇਲਾਕੇ ਵਿੱਚ ਡਿੱਗੀ ਕੌਂਡੋ ਇਮਾਰਤ ਦੇ ਮਲਬੇ ਵਿੱਚੋਂ ਦੋ ਹੋਰ ਮ੍ਰਿਤਕ ਸਰੀਰ ਬਰਾਮਦ ਹੋਏ ਹਨ।
ਹੁਣ ਤੱਕ ਇਸ ਹਾਦਸੇ ਵਿੱਚ 20 ਵਿਅਕਤੀਆਂ ਦੇ ਮਰਣ ਦੀ ਪੁਸ਼ਟੀ ਕੀਤੀ ਜਾ ਚੁੱਕੀ ਹੈ।
128 ਲੋਕ ਹਾਲੇ ਵੀ ਲਾਪਤਾ ਹਨ।
ਮਾਐਮੀ ਮੇਅਰ ਡੈਨੀਅਲਾ ਲਵੀਨ ਕਾਵਾ ਨੇ ਅੱਜ ਆਪਣੇ ਸੰਬੋਧਨ ਦੌਰਾਨ ਦੱਸਿਆ ਕਿ ਦੋ ਮ੍ਰਿਤਕ ਸਰੀਰ ਵੀਰਵਾਰ ਰਾਤ ਨੂੰ ਲੱਭੇ ਹਨ।
ਕਾਵਾ ਮੁਤਾਬਕ ਮ੍ਰਿਤਕਾਂ ਵਿੱਚ ਮਾਐਮੀ ਦੇ ਇੱਕ ਫਾਇਰਫਾਈਟਰ ਦੀ 7 ਸਾਲ ਦੀ ਬੇਟੀ ਵੀ ਸ਼ਾਮਲ ਹੈ।
ਹੁਣ ਤੱਕ ਇਸ ਇਮਾਰਤ ਦੇ ਮਲਬੇ ’ਚੋਂ ਕਿਸੇ ਨੂੰ ਵੀ ਜ਼ਿੰਦਾ ਨਹੀਂ ਬਚਾਇਆ ਜਾ ਸਕਿਆ ਹੈ।
ਬਚਾਅ ਟੀਮਾਂ ਦੀ ਸੁਰੱਖਿਆ ਲਈ ਪੀੜਤਾਂ ਨੂੰ ਲੱਭਣ ਦਾ ਕੰਮ 15 ਘੰਟੇ ਲਈ ਰੋਕ ਦਿੱਤਾ ਗਿਆ ਸੀ।
ਫਲੋਰਿਡਾ ਦੇ ਅਧਿਕਾਰੀਆਂ ਵਲੋਂ ਹੁਣ ਇਸ ਇਮਾਰਤ ਨੂੰ ਪੂਰੀ ਤਰ੍ਹਾਂ ਢਾਉਣ ਬਾਰੇ ਯੋਜਨਾ ਬਣਾਈ ਜਾ ਰਹੀ ਹੈ।
ਫੈਡਰਲ ਐਮੇਰਜੇਂਸੀ ਮੈਨੇਜਮੈਂਟ ਏਜੇਂਸੀ ਅਨੁਸਾਰ ਇਸ ਕੰਮ ਨੂੰ ਸ਼ੁਰੂ ਹੋਣ ਵਿੱਚ ਕਈ ਹਫਤੇ ਲੱਗ ਸਕਦੇ ਹਨ।
