15.46C Vancouver 15.46C VancouverAug 6, 2025 5:29 PM - Connect Newsroom
ਗਾਜ਼ਾ ਵਿਚ ਮੰਗਲਵਾਰ ਨੂੰ ਭੀੜ ਉਤੇ 4 ਟਰੱਕ ਪਲਟਣ ਕਾਰਨ 20 ਲੋਕਾਂ ਦੀ ਮੌਤ ਹੋ ਗਈ ਅਤੇ ਦਰਜਨਾਂ ਜ਼ਖਮੀ ਹੋ ਗਏ। ਦੱਸਿਆ ਜਾ ਰਿਹਾ ਹੈ ਕਿ ਭੀੜ ਟਰੱਕਾਂ ਵੱਲ ਦੌੜੀ ਅਤੇ ਉੱਪਰ ਚੜ੍ਹ ਗਈ, ਜਿਸ ਕਾਰਨ ਡਰਾਈਵਰ ਕੰਟਰੋਲ ਗੁਆ ਬੈਠੇ।
ਸਥਾਨਕ ਟ੍ਰਾਂਸਪੋਰਟ ਐਸੋਸੀਏਸ਼ਨ ਮੁਤਾਬਕ, ਇਜ਼ਰਾਈਲ ਵਲੋਂ ਮਹੀਨਿਆਂ ਵਿਚ ਪਹਿਲੀ ਵਾਰ ਪ੍ਰਾਈਵੇਟ ਆਯਾਤ ਦੀ ਇਜਾਜ਼ਤ ਦੇਣ ਤੋਂ ਬਾਅਦ 26 ਟਰੱਕ ਗਾਜ਼ਾ ਦੇ ਵਪਾਰੀਆਂ ਲਈ ਸਾਮਾਨ ਲੈ ਕੇ ਪਹੁੰਚੇ ਸਨ, ਇਸ ਦੌਰਾਨ ਭੀੜ ਨੇ ਟਰੱਕਾਂ ਦੇ ਕਾਫਲੇ ਨੂੰ ਰਾਹਤ ਸਮੱਗਰੀ ਵਾਲੇ ਸਮਝ ਕੇ ਘੇਰ ਲਿਆ।
ਸੰਯੁਕਤ ਰਾਸ਼ਟਰ ਦਾ ਕਹਿਣਾ ਹੈ ਕਿ ਗਾਜ਼ਾ ਵਿਚ ਅਜੇ ਵੀ ਵੱਡੇ ਪੱਧਰ 'ਤੇ ਖਾਣ-ਪੀਣ ਦੀ ਕਮੀ ਹੈ, ਜਿਸ ਲਈ ਯੂ.ਐਨ. ਇਜ਼ਰਾਈਲੀ ਨੀਤੀਆਂ ਨੂੰ ਜ਼ਿੰਮੇਵਾਰ ਠਹਿਰਾਉਂਦਾ ਹੈ। ਉਥੇ ਹੀ, ਇਜ਼ਰਾਈਲ ਇਨ੍ਹਾਂ ਅਸਫਲਤਾਵਾਂ ਲਈ ਸੰਯੁਕਤ ਰਾਸ਼ਟਰ ਨੂੰ ਜ਼ਿੰਮੇਵਾਰ ਠਹਿਰਾ ਰਿਹਾ ਹੈ।
