ਬਰਨਬੀ 'ਚ ਵਾਪਰੀ ਗੋਲੀ ਚੱਲਣ ਦੀ ਵਾਰਦਾਤ 'ਚ ਅਹਿਮਦ ਤਾਹਿਰ 'ਤੇ ਲੱਗੇ ਫਰਸਟ ਡਿਗਰੀ ਮਰਡਰ ਦੇ ਦੋਸ਼

ਅੱਜ ਆਰ.ਸੀ.ਐਮ.ਪੀ. ਦੀ ਬਰਨਬੀ ਡਿਟੈਚਮੈਂਟ (Burnaby detachment) ਵਿਚ ਆਈ.ਹਿਟ (IHIT), ਕੰਬਾਇੰਡ ਫੋਰਸਿਸ ਸਪੈਸ਼ਲ ਐਨਫੋਰਸਮੈਂਟ ਯੂਨਿਟ (Combined forces special enforcement unit) ਅਤੇ ਬਰਨਬੀ ਆਰ.ਸੀ.ਐਮ.ਪੀ. (Burnaby RCMP) ਦੇ ਅਧਿਕਾਰੀਆਂ ਨੇ ਸ਼ਨੀਵਾਰ ਨੂੰ ਬਰਨਬੀ ਵਿੱਚ ਹੋਈ ਜਾਨਲੇਵਾ ਸ਼ੂਟਿੰਗ ਦੇ ਸਬੰਧ ਵਿਚ ਸਾਂਝੀ ਪ੍ਰੈੱਸ ਕਾਨਫਰੰਸ ਕੀਤੀ।

ਪ੍ਰੈਸ ਕਾਨਫਰੰਸ ਵਿੱਚ ਆਈ.ਹਿਟ (IHIT) ਦੇ ਆਫਿਸਰ ਇਨ ਚਾਰਜ ਡੇਵ ਚੌਹਾਨ (Dave Chauhan) ਨੇ ਦੱਸਿਆ ਕਿ ਸ਼ੂਟਿੰਗ ਵਿੱਚ 19 ਸਾਲਾ ਟੋਨੀ ਡਾਲਿਪੀ ਦੇ ਕਤਲ ਦੇ ਸੰਬੰਧ ਵਿਚ 20 ਸਾਲਾ ਐਹਮਦ ਤਾਹਿਰ (Ahmed Tahir) ਨੂੰ ਫਰਸਟ ਡਿਗਰੀ ਮਰਡਰ ਦੇ ਲਈ ਚਾਰਜ ਕੀਤਾ ਗਿਆ ਹੈ।

ਇਸ ਘਟਨਾ ਵਿੱਚ ਇੱਕ ਨਿਰਦੋਸ਼ ਵਿਅਕਤੀ ਦੇ ਗੋਲੀ ਲੱਗਣ ਨਾਲ ਜ਼ਖਮੀ ਹੋਣ ਦੀ ਪੁਸ਼ਟੀ ਵੀ ਕੀਤੀ ਗਈ ਹੈ ਜਿਸ ਦੀ ਹਾਲਤ ਸਥਿਰ ਦੱਸੀ ਗਈ ਹੈ।

ਸਵਾਲਾਂ ਦੇ ਜਵਾਬ ਦਿੰਦੇ ਹੋਏ ਪੁਲੀਸ ਅਧਿਕਾਰੀਆਂ ਨੇ ਦੱਸਿਆ ਕਿ ਕੱਲ ਰਿਚਮੰਡ ਵਿੱਚ ਵਿੱਚ ਪੁਲਿਸ ਤੇ ਸ਼ੱਕੀਆਂ ਦੀ ਫਾਇਰਿੰਗ ਦਾ ਪੁਲੀਸ ਨੇ ਜਨਤਕ ਸੁਰੱਖਿਆ ਕਰਕੇ ਜਵਾਬ ਨਹੀਂ ਦਿੱਤਾ ਸੀ।

ਇਸ ਮੌਕੇ ਤੇ ਸੀ.ਐਫ.ਐਸ.ਈ.ਯੂ. (CFSEU) ਦੇ ਅਸਿਸਟੈਂਟ ਕਮਿਸ਼ਨਰ (Assistant commissioner) ਮੈਨੀ ਮਾਨ ਦਾ ਕਹਿਣਾ ਸੀ ਕਿ ਲੋਅਰ ਮੇਨਲੈਂਡ ਵਿੱਚ ਗੈਂਗ ਹਿੰਸਾ ਦੇ ਚੱਲਦੇ ਨੇਬਰਹੁਡਸ ਵਿਚ ਪੁਲਸ ਦੀ ਮੌਜੂਦਗੀ ਵਿੱਚ ਵਾਧਾ ਕੀਤਾ ਜਾ ਰਿਹਾ ਹੈ।