ਨੌਰਥ ਵੈਨਕੂਵਰ ਵਿਚ ਵਾਪਰੇ ਹਾਦਸੇ ਦੌਰਾਨ ਲੜਕੀ ਦੀ ਮੌਤ

ਬੀ. ਸੀ. ਦੇ ਸਕੁਐਮਿਸ਼ ਟਾਊਨ ਨੇੜੇ ਇੱਕ ਪ੍ਰਸਿੱਧ ਕਲਾਈਮਿੰਗ ਖੇਤਰ ਵਿਚ ਇੱਕ 22 ਸਾਲਾ ਲੜਕੀ ਦੀ ਸਕੁਐਮਿਸ਼ ਤੋਂ ਡਿੱਗਣ ਨਾਲ ਮੌਤ ਹੋ ਗਈ। ਸਕੁਐਮਿਸ਼ ਆਰਸੀਐਮਪੀ ਨੇ ਕਿਹਾ ਕਿ ਇਹ ਘਟਨਾ ਸ਼ੁੱਕਰਵਾਰ ਵਾਪਰੀ, ਪੁਲਿਸ ਨੂੰ 12.30 ਵਜੇ ਦੇ ਕਰੀਬ ਚੈਕ ਕੈਨਿਯਨ ਰੀਕ੍ਰੀਏਸ਼ਨ ਖੇਤਰ ਵਿਚ ਬੁਲਾਇਆ ਗਿਆ ਸੀ, ਜਿਥੇ ਸ਼ੁਰੂਆਤ ਕਰਨ ਵਾਲਿਆਂ ਅਤੇ ਮਾਹਰ ਕਲਾਈਬਰਜ਼ ਦੋਵਾਂ ਲਈ ਲਗਭਗ 100 ਕਲਾਈਮਿੰਗ ਰੂਟ ਹਨ।

ਬੀ.ਸੀ. ਕੋਰੋਨਰ ਸਰਵਿਸ ਇਸ ਮਾਮਲੇ ਵਿਚ ਲੜਕੀ ਦੀ ਮੌਤ ਦੇ ਕਾਰਨਾਂ ਦੀ ਜਾਂਚ ਕਰ ਰਹੀ ਹੈ। ਫਿਲਹਾਲ ਅਧਿਕਾਰੀਆਂ ਨੇ ਉਸ ਦੀ ਪਛਾਣ ਜਾਰੀ ਨਹੀਂ ਕੀਤੀ। ਆਰਸੀਐਮਪੀ ਦੇ ਬੁਲਾਰੇ ਸਾਰਜੈਂਟ. ਵੈਨੇਸਾ ਮੁੰਨ ਨੇ ਕਿਹਾ ਕਿ ਕਈ ਲੋਕਾਂ ਨੇ ਇਸ ਘਟਨਾ ਨੂੰ ਦੇਖਿਆ ਅਤੇ ਆਰਸੀਐਮਪੀ ਵਿਕਟਮ ਸਰਵਿਸ ਨੇ ਘਟਨਾ ਦੇ ਗਵਾਹ ਕਈ ਲੋਕਾਂ ਨੂੰ ਸਹਾਇਤਾ ਪ੍ਰਦਾਨ ਕੀਤੀ ਹੈ।