22.25C Vancouver 22.25C VancouverJan 14, 2021 8:24 PM -
'ਪੈਰੋਲ ਬੋਰਡ ਆਫ ਕੈਨੇਡਾ' ਦਾ ਕਹਿਣਾ ਹੈ ਕਿ ਵਿਕਟੋਰੀਆ 'ਚ ਸਾਲ 1997 'ਚ ਟੀਨੇਜਰ ਰੀਨਾ ਵਿਰਕ ਦੇ ਕਤਲ 'ਚ ਦੋਸ਼ੀ ਪਾਈ ਗਈ, 38 ਸਾਲਾ ਔਰਤ ਨੂੰ ਆਪਣੀ 'ਡੇਅ ਪੈਰੋਲ' ਜਾਰੀ ਰੱਖਣ ਦੀ ਇਜਾਜ਼ਤ ਜਾਰੀ ਰੱਖੀ ਜਾ ਰਹੀ ਹੈ।
ਕੈਲੀ ਐਲਰਡ ਨਾਮ ਦੀ ਇਹ ਔਰਤ ਹੁਣ ਕੈਰੀ ਸਿਮ ਦੇ ਨਾਮ ਤੋਂ ਰਹਿੰਦੀ ਹੈ ਅਤੇ 2 ਬੱਚਿਆਂ ਦੀ ਮਾਂ ਹੈ।
ਬੋਰਡ ਅਨੁਸਾਰ ਇਹ ਔਰਤ ਕਮਿਊਨਿਟੀ 'ਚ 'ਪਾਜ਼ਿਟਿਵ ਅਤੇ ਨਿਰਦੇਸ਼ਾਂ ਦੀ ਪਾਲਣਾ ਕਰਨ ਵਾਲਾ ਰੁਖ' ਦਰਸ਼ਾ ਰਹੀ ਹੈ।
ਸਿਮ ਦੀ ਕੇਸ ਮੈਨੇਜਮੈਂਟ ਟੀਮ ਰਿਪੋਰਟ ਦਾ ਕਹਿਣਾ ਹੈ ਕਿ ਸਿਮ ਨੇ ਰੀਨਾ ਵਿਰਕ ਦੇ ਕਤਲ ਲਈ ਪਛਤਾਵਾ ਜ਼ਾਹਿਰ ਕੀਤਾ ਹੈ ਅਤੇ ਉਹ ਹਮਲੇ ਦੀ ਜ਼ਿੰਮੇਵਾਰੀ ਲੈਂਦੇ ਹੋਏ ਮੰਨਦੀ ਹੈ ਕਿ ਸਮਾਜਿਕ ਤੌਰ 'ਤੇ ਜ਼ਿੰਮੇਵਾਰ ਰਹਿਣ ਵਾਲਾ ਜੀਵਨ ਬਤੀਤ ਕਰਦੇ ਹੋਏ ਪੀੜਤ ਅਤੇ ਉਸ ਦੇ ਪਰਿਵਾਰ ਲਈ ਸਨਮਾਨ ਜ਼ਾਹਿਰ ਕੀਤਾ ਜਾ ਸਕਦਾ ਹੈ।
ਸਿਮ ਹਰ ਹਫ਼ਤੇ 5 ਦਿਨ ਇੱਕ ਰੈਜ਼ੀਡੈਂਸ਼ੀਅਲ ਫੈਸਿਲਿਟੀ ਤੋਂ ਦੂਰ ਰਹਿ ਸਕਦੀ ਹੈ।
ਪੈਰੋਲ ਬੋਰਡ ਨੇ ਇਹ ਪ੍ਰੀਕਿਰਿਆ ਹੋਰ 6 ਮਹੀਨੇ ਤੱਕ ਜਾਰੀ ਰੱਖਣ ਦਾ ਫੈਸਲਾ ਲਿਆ ਹੈ।
