21.08C Vancouver 21.08C VancouverJun 25, 2025 5:37 PM - Connect Newsroom
ਪ੍ਰਿੰਸ ਰੂਪਰਟ ਵਿਚ ਨਸ਼ੀਲੇ ਪਦਾਰਥਾਂ ਦੀ ਤਸਕਰੀ ਦੀ ਜਾਂਚ ਦੇ ਸਬੰਧ ਵਿਚ 9 ਐਮਐਮ ਹੈਂਡਗਨ ਅਤੇ ਇੱਕ ਟਿੱਕਾ ਰਾਈਫਲ ਸਮੇਤ ਕਈ ਹਥਿਆਰ ਅਤੇ ਮੈਥਾਮਫੇਟਾਮਾਈਨ, ਕੋਕੀਨ ਵਰਗੇ ਗੰਭੀਰ ਨਸ਼ੇ ਦੀ ਤਸਕਰੀ ਦਾ ਪਰਦਾਫਾਸ਼ ਕੀਤਾ ਗਿਆ ਹੈ। ਬ੍ਰਿਟਿਸ਼ ਕੋਲੰਬੀਆ ਦੀ ਸੰਯੁਕਤ ਫੋਰਸਾਂ ਦੇ ਸਪੈਸ਼ਲ ਇਨਫੋਰਸਮੈਂਟ ਯੂਨਿਟ ਦੀ ਅਗਵਾਈ ਹੇਠ ਇਸ ਮਾਮਲੇ ਵਿਚ 14 ਮਹੀਨੇ ਲੰਮੀ ਜਾਂਚ ਚੱਲੀ ਅਤੇ ਪੰਜ ਜੂਨ ਨੂੰ 4 ਮੁਲਜ਼ਮਾਂ 'ਤੇ 28 ਦੋਸ਼ ਲਗਾਏ ਗਏ।
ਪ੍ਰਿੰਸ ਰੂਪਰਟ ਵਿਚ ਸਰਗਰਮ ਡਰੱਗ ਤਸਕਰੀ ਨੈੱਟਵਰਕ ਨੂੰ ਟਾਰਗੇਟ ਕਰਨ ਲਈ ਇਹ ਜਾਂਚ ਅਪ੍ਰੈਲ 2023 ਵਿਚ ਸ਼ੁਰੂ ਹੋਈ ਸੀ।
ਡਰੱਗ ਤਸਕਰੀ ਅਤੇ ਪਾਬੰਦੀਸ਼ੁਦਾ ਹਥਿਆਰ ਰੱਖਣ ਦੇ ਚਾਰਜਿਜ਼ ਦਾ ਸਾਹਮਣਾ ਕਰ ਰਹੇ ਮੁਲਜ਼ਮਾਂ ਦੀ ਉਮਰ 34 ਤੋਂ 38 ਸਾਲ ਹੈ ਅਤੇ ਇਹ ਸਾਰੇ ਪ੍ਰਿੰਸ ਰੂਪਰਟ ਦੇ ਵਸਨੀਕ ਹਨ। ਪੁਲਿਸ ਨੇ ਦੱਸਿਆ ਕਿ ਮੁਲਜ਼ਮਾਂ ਪਾਸੋਂ ਜ਼ਬਤ ਕੀਤੇ ਗਏ ਸਾਮਾਨ ਵਿਚ $38,000 ਬੰਡਲ ਨਕਦੀ ਵੀ ਸ਼ਾਮਲ ਸੀ।
