12.75C Vancouver 12.75C VancouverMay 21, 2020 9:34 PM -
ਕਨੇਡੀਅਨ ਆਰਮਡ ਫੋਰਸਿਜ਼ (Canadian Armed Forces) ਦਾ ਕਹਿਣਾ ਹੈ ਕਿ ਮਿਲਟਰੀ ਦੇ 28 ਮੈਂਬਰ ਕੋਵਿਡ-19 ਲਈ ਪਾਜ਼ਿਟਿਵ ਪਾਏ ਜਾ ਚੁੱਕੇ ਹਨ।
ਇਹ ਉਹ ਮੈਂਬਰ ਹਨ ਜੋ ਔਂਟੈਰੀਓ ਅਤੇ ਕਿਊਬੈਕ 'ਚ ਲੌਂਗ-ਟਰਮ ਕੇਅਰ ਫੈਸਿਲਿਟੀਆਂ 'ਚ ਸੇਵਾਵਾਂ ਪ੍ਰਦਾਨ ਕਰਨ ਲਈ ਭੇਜੇ ਗਏ ਸਨ।
ਬੀਤੇ ਹਫ਼ਤੇ ਦੇ ਇਸ ਸੰਬੰਧੀ ਦੱਸੇ ਗਏ 5 ਮਾਮਲਿਆਂ ਦੇ ਮੁਕਾਬਲੇ, ਇਹ ਵੱਡਾ ਵਾਧਾ ਮੰਨਿਆ ਜਾ ਰਿਹਾ ਹੈ।
ਇਸ ਦੇ ਵਿੱਚ 12 ਮਾਮਲੇ ਔਂਟੈਰੀਓ ਤੋਂ ਅਤੇ 16 ਮਾਮਲੇ ਕਿਊਬੈਕ ਤੋਂ ਸਾਹਮਣੇ ਆਏ ਹਨ।
ਮਿਲਟਰੀ ਦਾ ਕਹਿਣਾ ਹੈ ਕਿ ਫੋਰਸਿਜ਼ ਦੇ ਕਰੀਬ 1,700 ਮੈਂਬਰ, ਨਰਸਿੰਗ ਹੋਮਜ਼ 'ਚ ਸੇਵਾਵਾਂ ਪ੍ਰਦਾਨ ਕਰ ਰਹੇ ਹਨ।
ਇਹ ਮੈਂਬਰ ਕਿਊਬੈਕ ਦੇ 25 ਲੌਂਗ-ਟਰਮ ਕੇਅਰ ਹੋਮਜ਼ 'ਚ ਸੇਵਾਵਾਂ ਦੇ ਰਹੇ ਹਨ ਅਤੇ ਔਂਟੈਰੀਓ ਦੇ 5 ਲੌਂਗ-ਟਰਮ ਕੇਅਰ ਹੋਮਜ਼ 'ਚ ਸੇਵਾਵਾਂ ਦਿੱਤੀਆਂ ਜਾ ਰਹੀਆਂ ਹਨ।
ਇਨ੍ਹਾਂ 'ਚ ਵਧੇਰੇ ਸਹਿਯੋਗ ਸੰਬੰਧੀ ਭੂਮਿਕਾ ਨਿਭਾ ਰਹੇ ਹਨ, ਜਿਸ ਦੇ ਵਿੱਚ ਸਾਫ-ਸਫਾਈ, ਖਾਣਾ ਪ੍ਰਦਾਨ ਕਰਨਾ ਅਤੇ ਰੈਜ਼ੀਡੈਂਟਸ ਦੀਆਂ ਬੁਨਿਆਦੀ ਜ਼ਰੂਰਤਾਂ 'ਚ ਮਦਦ ਪ੍ਰਦਾਨ ਕਰਨਾ ਸ਼ਾਮਿਲ ਹੈ।
