11.76C Vancouver 11.76C VancouverNov 16, 2020 4:42 PM -
ਕੋਵਿਡ-19 ਨੂੰ ਠੱਲ੍ਹ ਪਾਉਣ ਲਈ ਤਿਆਰ ਕੀਤੇ ਜਾ ਰਹੇ ਇੱਕ ਦੂਜੇ ਵੈਕਸੀਨ ਦੇ ਟਰਾਇਲ ਵਿੱਚ ਵੀ ਬਹੁਤ ਹੱਦ ਤਕ ਸਫ਼ਲਤਾ ਦੇਖਣ ਨੂੰ ਮਿਲ ਰਹੀ ਹੈ।
ਮੌਡਰਨਾ ਨਾਂ ਦੀ ਕੰਪਨੀ ਮੁਤਾਬਕ ਅੰਕੜੇ ਦਰਸਾਉਂਦੇ ਹਨ ਕਿ ਉਨ੍ਹਾਂ ਵੱਲੋਂ ਤਿਆਰ ਕੀਤਾ ਜਾ ਰਿਹਾ ਵੈਕਸੀਨ 94.5% ਅਸਰਦਾਰ ਸਾਬਤ ਹੋ ਰਿਹਾ ਹੈ।
ਜ਼ਿਕਰਯੋਗ ਹੈ ਕਿ ਹਾਲ ਹੀ ਵਿੱਚ ਫਾਈਜ਼ਰ ਵੱਲੋਂ ਵੀ ਕੋਵਿਡ-19 ਦੇ ਵੈਕਸੀਨ ਟਰਾਇਲ ਵਿੱਚ ਕਾਮਯਾਬੀ ਦੀ ਗੱਲ ਸਾਂਝੀ ਕੀਤੀ ਗਈ ਸੀ।
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਅਕਤੂਬਰ ਦੇ ਅੰਤ ਵਿੱਚ ਕਿਹਾ ਸੀ ਕਿ ਕੈਨੇਡਾ ਨੇ ਕੋਵਿਡ-19 ਦੇ ਇਲਾਜ ਲਈ ਸੁਰਖਿਅਤ ਅਤੇ ਅਸਰਦਾਰ ਵੈਕਸੀਨ ਤਿਆਰ ਕਰਨ ਵਾਸਤੇ ਫਾਈਜ਼ਰ ਅਤੇ ਮੌਡਰਨਾ ਤੋਂ ਅਲਾਵਾ ਵੱਖ ਵੱਖ ਕੰਪਨੀਆਂ ਨਾਲ 6 ਅਜਿਹੇ ਸਮਝੌਤੇ ਕੀਤੇ ਹਨ।
ਦੋਵਾਂ ਕੰਪਨੀਆਂ ਨੇ ਹੈਲਥ ਕੈਨੇਡਾ ਨੂੰ ਆਪਣੇ ਵੈਕਸੀਨਾਂ ਦੀ ਨਜ਼ਰਸਾਨੀ ਕਰਨ ਲਈ ਕਿਹਾ ਹੈ।
ਸਿਹਤ ਮਾਹਿਰਾਂ ਅਨੁਸਾਰ ਇਨ੍ਹਾਂ ਦੋਵਾਂ ਵੈਕਸੀਨਾਂ ਦੇ ਸਫਲ ਟ੍ਰਾਇਲ ਸਦਕਾ ਵਾਇਰਸ ਦੇ ਇਲਾਜ ਲਈ ਉਮੀਦ ਦੀ ਕਿਰਨ ਨਜ਼ਰ ਆਈ ਹੈ।
ਕੈਨੇਡਾ ਵਿੱਚ ਵਾਇਰਸ ਦੇ ਮਾਮਲਿਆਂ ਦੀ ਗਿਣਤੀ 300,000 ਤੱਕ ਪਹੁੰਚਣ ਵਾਲੀ ਹੈ।
ਕੋਵਿਡ-19 ਕਾਰਨ ਦੁਨੀਆਂ ਭਰ ਵਿਚ 1.3 ਮਿਲੀਅਨ ਜਾਨਾਂ ਜਾ ਚੁੱਕੀਆਂ ਹਨ ਜਿਨ੍ਹਾਂ ਵਿਚੋਂ 245,000 ਤੋਂ ਵੱਧ ਅਮਰੀਕਾ ਦੇ ਵਿੱਚ ਹਨ।
ਮੌਡਰਨਾ ਦਾ ਵੈਕਸੀਨ ਨੈਸ਼ਨਲ ਇੰਸਟੀਟਯੂਟਸ ਆਫ ਹੈਲਥ ਨਾਲ ਮਿਲਕੇ ਤਿਆਰ ਕੀਤਾ ਜਾ ਰਿਹਾ ਹੈ ਅਤੇ ਇਸ ਨੂੰ 30,000 ਲੋਕਾਂ ਤੇ ਟੈਸਟ ਕੀਤਾ ਗਿਆ ਹੈ ਜਿਨ੍ਹਾਂ ਵਿੱਚੋਂ ਕਈਆਂ ਨੂੰ ਅਸਲ ਵੈਕਸੀਨ ਦਿੱਤਾ ਗਿਆ ਅਤੇ ਕਈਆਂ ਉੱਤੇ ‘ਡਮੀ ਸ਼ੌਟ’ ਇਸਤੇਮਾਲ ਕੀਤਾ ਗਿਆ।
