14.81C Vancouver 14.81C VancouverApr 11, 2020 10:21 PM -
ਕਿਊਬੈਕ ਦੇ ਪ੍ਰੀਮਿਅਰ ਫ੍ਰਾਂਸੂਆ ਲੈਗੌਲਟ ਦਾ ਕਹਿਣਾ ਹੈ ਕਿ ਵੈਸਟ-ਐਂਡ ਮੌਂਟਰੀਅਲ ਦੇ ਇੱਕ ਲੌਂਗ ਟਰਮ ਕੇਅਰ ਹੋਮ 'ਚ 31 ਲੋਕਾਂ ਦੀ ਜਾਨ ਚਲੀ ਗਈ ਹੈ।
ਮਾਰਚ ਦੇ ਮਹੀਨੇ ਤੋਂ ਲੈਕੇ ਹੁਣ ਤਕ ਇਨ੍ਹਾਂ ਮੌਤਾਂ ਬਾਰੇ ਜਾਣਕਾਰੀ ਦਿੱਤੀ ਜਾ ਰਹੀ ਹੈ।
ਪ੍ਰੀਮਿਅਰ ਦਾ ਕਹਿਣਾ ਸੀ ਕਿ, ਇਨ੍ਹਾਂ ਜਾਨ ਗਵਾਉਣ ਵਾਲਿਆਂ 'ਚ ਘਟੋ ਘੱਟ 5 ਲੋਕ ਕੋਵਿਡ-19 ਨਾਲ ਪੀੜਤ ਸਨ।
ਕਿਊਬੈਕ ਦੇ ਡੋਰਵਲ 'ਚ ਰੈਜ਼ੀਡੈਂਸ ਹੈਰਨ ਬਾਰੇ ਇਹ ਜਾਣਕਾਰੀਆਂ ਦਿੱਤੀਆਂ ਗਈਆਂ ਹਨ।
ਪ੍ਰੀਮਿਅਰ ਨੇ ਕਿਹਾ ਕਿ ਸੂਬੇ ਦੇ ਸਿਹਤ ਵਿਭਾਗ ਨੇ ਮਾਮਲੇ ਦੀ ਜਾਂਚ ਦੇ ਨਿਰਦੇਸ਼ ਦੇ ਦਿੱਤੇ ਹਨ।
ਇਸਤੋਂ ਅਲਾਵਾ ਸੂਬੇ ਦੇ ਪਬਲਿਕ ਸਿਕਿਉਰਿਟੀ ਵਿਭਾਗ ਨੇ ਵੀ ਪੁਲਿਸ ਜਾਂਚ ਦੀ ਮੰਗ ਕੀਤੀ ਹੈ।
ਪ੍ਰੀਮਿਅਰ ਲੈਗੌਲਟ ਦਾ ਕਹਿਣਾ ਸੀ ਕਿ ਇਸੇ ਲੌਂਗ ਟਰਮ ਕੇਅਰ ਹੋਮ ਦੇ ਮਾਲਿਕ ਦੇ ਹੋਰ ਵੀ ਅਜਿਹੇ ਰੈਜ਼ੀਡੈਂਸਿਸ ਹਨ, ਅਤੇ ਉਨ੍ਹਾਂ ਦੀ ਵੀ ਜਾਂਚ ਕੀਤੀ ਜਾ ਰਹੀ ਹੈ।
