15.22C Vancouver 15.22C VancouverJun 2, 2021 9:36 PM -
ਬੀਤੇ ਮਹੀਨੇ ਮੈਟਰੋ ਵੈਨਕੂਵਰ 'ਚ ਘਰਾਂ ਦੀ ਵਿਕਰੀ ਮਜ਼ਬੂਤ ਰਹੀ ਪਰ ਰੀਅਲ ਐਸਟੇਟ ਬੋਰਡ ਆਫ ਗ੍ਰੇਟਰ ਵੈਨਕੂਵਰ ਦਾ ਕਹਿਣਾ ਹੈ ਕਿ ਅਪ੍ਰੈਲ ਦੇ ਰਿਕਾਰਡ ਅੰਕੜੇ ਦੇ ਮੁਕਾਬਲੇ ਬਾਜ਼ਾਰ ਦਰਮਿਆਨਾ ਰਿਹਾ।
ਬੋਰਡ ਦੇ ਇੱਕ ਬਿਆਨ 'ਚ ਦੱਸਿਆ ਗਿਆ ਹੈ ਕਿ ਮਈ ਦੇ ਮਹੀਨੇ 'ਚ ਘਰਾਂ ਦੀ ਵਿਕਰੀ ਇਸ ਮਹੀਨੇ ਦੀ 10 ਸਾਲ ਦੀ ਔਸਤ ਤੋਂ ਕਰੀਬ 28% ਵਧੇਰੇ ਰਹੀ।
ਜਾਣਕਾਰੀ ਦਿੱਤੀ ਗਈ ਕਿ ਬੀਤੇ ਮਹੀਨੇ 4,268 ਘਰਾਂ ਦੀ ਵਿਕਰੀ ਹੋਈ।
ਅਪ੍ਰੈਲ ਦੇ ਮਹੀਨੇ ਦੀਆਂ ਵਿਕਰੀਆਂ ਮੁਕਾਬਲੇ ਇਹ 13% ਘੱਟ ਦੱਸੀ ਗਈ।
ਬੀਤੇ ਸਾਲ ਪੈਂਡੈਮਿਕ ਦੇ ਦਰਮਿਆਨ ਮਈ ਦੇ ਮਹੀਨੇ 'ਚ ਹੋਈ ਘਰਾਂ ਦੀ ਵਿਕਰੀ ਦੇ ਮੁਕਾਬਲੇ ਇਸ ਸਾਲ ਮਈ ਮਹੀਨੇ ਦੀਆਂ ਘਰਾਂ ਦੀਆਂ ਵਿਕਰੀਆਂ 187.4% ਵਧੇਰੇ ਦੱਸੀਆਂ ਗਈਆਂ ਹਨ।
ਬੋਰਡ ਇਕਾਨਮਿਸਟ ਕੀਥ ਸਟੀਵਰਟ ਦਾ ਕਹਿਣਾ ਹੈ ਕਿ ਬਾਜ਼ਾਰ ਦੀ ਗਰਮੀ 'ਚ ਆਈ ਘਾਟ ਦਰਸ਼ਾਉਂਦੀ ਹੈ ਕਿ ਘਰ ਵੇਚਣ ਦੇ ਚਾਹਵਾਨ ਲੋਕ ਏਜੈਂਟਸ ਨਾਲ ਮਿਲ ਕੇ ਮਾਰਕਿਟ ਦੇ ਅਨੁਸਾਰ ਘਰਾਂ ਦੀ ਕੀਮਤ ਤੈਅ ਕਰਨ।
ਉਨ੍ਹਾਂ ਦੱਸਿਆ ਕਿ ਇਸ ਮਹੀਨੇ ਰਿਵਾਈਜ਼ ਕੀਤੇ ਮੌਰਗੇਜ ਸਟਰੈਸ ਟੈਸਟ ਨੂੰ ਅਰੰਭਿਆ ਜਾ ਰਿਹਾ ਹੈ ਅਤੇ ਬੋਰਡ ਧਿਆਨ ਰੱਖੇਗਾ ਕਿ ਇਸ ਦਾ ਘਰਾਂ ਦੀ ਵਿਕਰੀ 'ਤੇ ਕੀ ਪ੍ਰਭਾਵ ਪੈਂਦਾ ਹੈ।
