7.14C Vancouver 7.14C VancouverSep 17, 2025 11:56 PM - Connect Newsroom - Pervez Sandhu
ਬੀ.ਸੀ. ਸਰਕਾਰ ਨੇ ਸੂਬੇ ਦੇ ਅਨੇਕਾਂ ਇਲਾਕਿਆਂ ਲਈ ਚਿੰਤਾ ਦਾ ਵਿਸ਼ਾ ਬਣ ਚੁੱਕੇ ਐਕਸਟੌਰਸ਼ਨ ਸੰਬੰਧੀ ਮਸਲਿਆਂ ਨਾਲ ਨਜਿੱਠਣ ਲਈ ਪ੍ਰੋਵਿੰਸ਼ੀਅਲ ਐਕਸਟੌਰਸ਼ਨ ਟਾਸਕ ਫੋਰਸ ਦਾ ਐਲਾਨ ਕੀਤਾ ਹੈ।
ਇਸ ਟਾਸਕ ਫੋਰਸ ਨੂੰ ਬੀ.ਸੀ. ਆਰ.ਸੀ.ਐਮ.ਪੀ. ਲੀਡ ਕਰੇਗੀ ਅਤੇ ਇਸ 'ਚ ਕੁੱਲ 40 ਮੈਂਬਰ ਹੋਣਗੇ।
ਇਸ ਫੋਰਸ 'ਚ ਆਰ.ਸੀ.ਐਮ.ਪੀ. ਤੋਂ ਇਲਾਵਾ ਸਰੀ ਪੁਲਿਸ ਸਰਵਿਸ, ਡੈਲਟਾ ਪੁਲਿਸ ਡਿਪਾਰਟਮੈਂਟ, ਐਬਟਸਫੋਰਡ ਪੁਲਿਸ ਡਿਪਾਰਟਮੈਂਟ ਅਤੇ ਮੈਟਰੋ ਵੈਨਕੂਵਰ ਟ੍ਰਾਂਜ਼ਿਟ ਪੁਲਿਸ ਦੇ ਮੈਂਬਰ ਸ਼ਾਮਿਲ ਹੋਣਗੇ।
ਇਸ ਦੇ ਨਾਲ ਹੀ ਕੈਨੇਡਾ ਬੌਰਡਰ ਸਰਵਿਸਿਸ ਏਜੈਂਸੀ ਅਤੇ ਕੰਬਾਈਂਡ ਫੋਰਸਿਸ ਸਪੈਸ਼ਲ ਐਨਫੋਰਸਮੈਂਟ ਯੂਨਿਟ ਦੇ ਮੈਂਬਰ ਅਤੇ ਬੀ.ਸੀ. ਐਂਟੀ ਗੈਂਗ ਪੁਲਿਸ ਟੀਮ ਦੇ ਮੈਂਬਰ ਵੀ ਇਸ ਫੋਰਸ ਦਾ ਹਿੱਸਾ ਹੋਣਗੇ।
ਇਸ ਐਲਾਨ ਮੌਕੇ ਵੱਖੋ-ਵੱਖਰੇ ਪੁਲਿਸ ਡਿਪਾਰਟਮੈਂਟਸ ਦੇ ਮੁਖੀ ਅਤੇ ਸੂਬੇ ਦੀ ਪਬਲਿਕ ਸੇਫਟੀ ਮੰਤਰੀ ਨੀਨਾ ਕਰੀਗਰ ਮੌਜੂਦ ਸਨ।
ਪਬਲਿਕ ਸੇਫਟੀ ਮੰਤਰੀ ਨੇ ਦੱਸਿਆ ਕਿ ਇਸ ਨਵੀਂ ਫੋਰਸ ਨਾਲ ਕਰੌਸ ਜਿਉਰਿਸਡਿਕਸ਼ਨਲ ਇਨਵੈਸਟੀਗੇਸ਼ਨਸ ਵਿੱਚ ਵਧੇਰੇ ਕੋਔਰਡੀਨੇਸ਼ਨ ਨਾਲ ਕੰਮ ਕਰਨ 'ਚ ਮਦਦ ਹੋਵੇਗੀ।
ਪੁਲਿਸ ਮੁਖੀਆਂ ਅਤੇ ਪਬਲਿਕ ਸੇਫਟੀ ਮੰਤਰੀ ਨਾਲ ਸਵਾਲ ਜਵਾਬ ਦੇ ਸਿਲਸਿਲੇ ਮੌਕੇ ਬੀ.ਸੀ. ਆਰ.ਸੀ.ਐਮ.ਪੀ. ਦੇ ਅਸਿਸਟੈਂਟ ਕਮਿਸ਼ਨਰ ਜੌਨ ਬ੍ਰਿਊਰ ਨੇ ਦੱਸਿਆ ਕਿ ਇਨ੍ਹਾਂ ਮਾਮਲਿਆਂ 'ਚ ਤਲਾਸ਼ੀ ਵਰੰਟਾਂ ਜਿਹੀਆਂ ਕਾਰਵਾਈਆਂ ਨੂੰ ਅੰਜਾਮ ਦਿੱਤਾ ਜਾ ਰਿਹਾ ਹੈ, ਪਰ ਸੂਬੇ 'ਚ ਐਕਸਟੌਰਸ਼ਨ ਦੇ ਕੁੱਲ ਕਿੰਨੇ ਮਾਮਲੇ ਇਨਵੈਸਟੀਗੇਟ ਹੋ ਰਹੇ ਹਨ, ਇਸ 'ਤੇ ਉਨ੍ਹਾਂ ਕੋਈ ਪੁਖਤਾ ਅੰਕੜਾ ਸਾਂਝਾ ਨਹੀਂ ਕੀਤਾ, ਜਿਸ 'ਤੇ ਕਨੈਕਟ ਐਫ.ਐਮ. ਨੇ ਉਚੇਚੇ ਤੌਰ 'ਤੇ ਪੁੱਛਿਆ ਕਿ ਕੀ ਘੱਟੋ-ਘੱਟ ਸੂਬੇ 'ਚ ਐਕਸਟੌਰਸ਼ਨ ਸੰਬੰਧੀ ਮਾਮਲਿਆਂ ਗ੍ਰਿਫਤਾਰੀਆਂ ਦੀ ਗਿਣਤੀ ਦੱਸੀ ਜਾ ਸਕਦੀ ਹੈ।
ਇਸ 'ਤੇ ਅਸਿਸਟੈਂਟ ਕਮਿਸ਼ਨਰ ਨੇ ਦੱਸਿਆ ਕਿ ਘੱਟੋ-ਘੱਟ 6 ਗ੍ਰਿਫਤਾਰੀਆਂ ਹੋ ਗਈਆਂ ਹਨ।
ਕਨੈਕਟ ਐਫ.ਐਮ. ਨੇ ਯੌਰਕ ਬਿਜਨਸ ਸੈਂਟਰ 'ਚ ਵਾਪਰੀ ਗੋਲੀ ਚੱਲਣ ਦੀ ਵਾਰਦਾਤ ਤੋਂ ਬਾਅਦ ਇੱਕ ਵਪਾਰ ਦੇ ਮਾਲਿਕ ਨਾਲ ਕੀਤੀ ਗੱਲਬਾਤ 'ਤੇ ਅਧਾਰਿਤ ਸਵਾਲ ਕੀਤਾ ਕਿ, ਲੋਕ ਫਿਕਰਮੰਦ ਹਨ ਕਿ ਇਨ੍ਹਾਂ ਘਟਨਾਵਾਂ ਨੂੰ ਅੰਜਾਮ ਦੇਣ ਵਾਲੇ ਲੋਕ ਹੁਣ ਵਪਾਰਾਂ ਨੂੰ ਨਹੀਂ ਬਲਕਿ ਵਪਾਰਾਂ ਦੇ ਮਾਲਿਕਾਂ ਨੂੰ ਨਿਸ਼ਾਨਾ ਬਣਾਉਣਗੇ ਤਾਂ ਜੋ ਲੋਕ ਹੋਰ ਡਰਨ, ਤਾਂ ਇਸ 'ਤੇ ਪਬਲਿਕ ਸੇਫਟੀ ਮੰਤਰੀ ਨੇ ਆਖਿਆ ਕਿ ਪੁਲਿਸ ਏਜੈਂਸੀਆਂ ਨੂੰ ਹਰ ਲੋੜੀਂਦਾ ਟੂਲ ਪ੍ਰਦਾਨ ਕੀਤਾ ਜਾ ਰਿਹਾ ਹੈ ਅਤੇ ਲੋਕ ਪੁਲਿਸ 'ਤੇ ਵਿਸ਼ਵਾਸ ਰੱਖਣ।
ਪ੍ਰੈਸ ਕਾਨਫਰੰਸ ਲਈ ਲਿੰਕ:
