14.54C Vancouver 14.54C VancouverApr 29, 2020 2:05 AM -
ਬੀ.ਸੀ. 'ਚ ਹਰ ਰੋਜ ਜਾਰੀ ਕੀਤੀ ਜਾਣ ਵਾਲੀ ਅਪਡੇਟ ਦੌਰਾਨ ਅੱਜ ਸਿਹਤ ਅਧਿਕਾਰੀਆਂ ਨੇ ਦੱਸਿਆ ਕਿ ਸੂਬੇ 'ਚ ਸਾਹਮਣੇ ਆਏ 55 ਨਵੇਂ ਮਾਮਲਿਆਂ 'ਚ ਵੱਡੀ ਗਿਣਤੀ ਇੱਕ ਪੋਲਟਰੀ ਨਾਲ ਸੰਬੰਧਤ ਹੈ।
ਕੋਕਟਲਮ ਦੀ ਸੁਪੀਰੀਅਰ ਪੋਲਟਰੀ 'ਚ ਹੁਣ ਵਾਇਰਸ ਸੰਬੰਧੀ ਪੀੜਤਾਂ ਦੀ ਗਿਣਤੀ 46 ਤਕ ਪਹੁੰਚ ਗਈ ਹੈ।
ਦੂਜੇ ਪਾਸੇ ਵੈਨਕੂਵਰ ਦੀ ਯੂਨਾਈਟਿਡ ਪੋਲਟਰੀ 'ਚ ਵਾਇਰਸ ਦੇ 34 ਮਾਮਲੇ ਉਜਾਗਰ ਹੋ ਚੁੱਕੇ ਹਨ।
ਇਸਦੇ ਨਾਲ ਹੀ ਮਿਸ਼ਨ ਦੇ ਫੈਡਰਲ ਇੰਸਟੀਟਿਊਸ਼ਨ 'ਚ ਹੁਣ ਸਟਾਫ ਅਤੇ ਇਨਮੇਟਸ ਸਮੇਤ ਵਾਇਰਸ ਪੀੜਤਾਂ ਦੀ ਗਿਣਤੀ 120 ਤਕ ਪਹੁੰਚ ਗਈ ਹੈ।
ਜਾਣਕਾਰੀ ਦਿੱਤੀ ਗਈ ਹੈ ਕਿ 11 ਪਾਜੀਟਿਵ ਮਾਮਲੇ ਐਲਬਰਟਾ ਦੇ ਕਰਲ ਲੇਕ ਪਲਾਂਟ ਨਾਲ ਸੰਬੰਧਤ ਹਨ।
ਸਿਹਤ ਅਧਿਕਾਰੀਆਂ ਨੇ ਅੱਜ ਆਖਿਆ ਹੈ ਕਿ ਜੇਕਰ 24 ਮਾਰਚ ਤੋਂ ਬਾਅਦ ਕੋਈ ਕਰਲ ਲੇਕ ਗਿਆ ਹੋਵੇ ਜਾਂ ਉੱਥੇ ਦੇ ਕਿਸੇ ਕਾਮੇ ਦੇ ਸੰਪਰਕ 'ਚ ਆਇਆ ਹੋਵੇ, ਤਾਂ ਉਸਨੂੰ ਤੁਰੰਤ ਖੁਦ ਨੂੰ ਇਕੱਲੇ 'ਚ ਰੱਖਣ ਦੇ ਨਿਰਦੇਸ਼ ਦਿੱਤੇ ਗਏ ਹਨ।
