22.79C Vancouver 22.79C VancouverJul 16, 2025 7:20 PM - Connect Newsroom
ਐਬਟਸਫੋਰਡ ਦੇ ਇੱਕ 48 ਸਾਲਾ ਸਰਵੇਅਰ ਦੀ ਬੀਤੇ ਕੱਲ੍ਹ ਕੰਮ ਦੌਰਾਨ ਇੱਕ ਵਾਹਨ ਦੀ ਲਪੇਟ ਵਿਚ ਆਉਣ ਨਾਲ ਮੌਤ ਹੋ ਗਈ। ਇਹ ਘਟਨਾ ਮੰਗਲਵਾਰ ਨੂੰ ਦੁਪਹਿਰ 1 ਵਜੇ ਦੇ ਕਰੀਬ ਵਾਪਰੀ, ਜਦੋਂ ਪੀੜਤ ਮਿਸਨ ਦੇ ਈਸਟ ਵਿਚ ਪੈਂਦੇ ਹੈਟਜ਼ਿਕ ਇਲਾਕੇ ਦੇ ਡੇਲ ਰੋਡ ਨੇੜੇ ਸਿਲਵੈਸਟਰ ਰੋਡ 'ਤੇ ਕੰਮ ਕਰ ਰਿਹਾ ਸੀ। ਇਸ ਦੌਰਾਨ ਇੱਕ ਡੰਪ ਟਰੱਕ ਨੇ ਉਸ ਨੂੰ ਟੱਕਰ ਮਾਰ ਦਿੱਤੀ, ਜਿਸ ਨਾਲ ਉਸ ਦੀ ਮੌਕੇ 'ਤੇ ਮੌਤ ਹੋ ਗਈ।
ਮਿਸ਼ਨ ਆਰਸੀਐਮਪੀ ਮੁਤਾਬਕ, ਸਰਵੇਅਰ ਸੜਕ ਕਿਨਾਰੇ ਕੰਮ ਕਰ ਰਿਹਾ ਸੀ ਅਤੇ ਉਸ ਦੇ ਕੋਲ ਹੀ ਟ੍ਰੈਫਿਕ ਕੰਟਰੋਲ ਕਰਮਚਾਰੀ ਤਾਇਨਾਤ ਸਨ। ਟੱਕਰ ਤੋਂ ਬਾਅਦ ਡਰਾਈਵਰ ਨੇ ਤੁਰੰਤ ਗੱਡੀ ਰੋਕ ਦਿੱਤੀ ਅਤੇ ਮੌਕੇ 'ਤੇ ਹੀ ਰਿਹਾ।
ਪੁਲਿਸ ਨੇ ਕਿਹਾ ਕਿ ਹਾਦਸਾ ਦੀ ਵਜ੍ਹਾ ਜਾਂਚ ਦਾ ਵਿਸ਼ਾ ਹੈ ਅਤੇ impairment ਇਸ ਵਿਚ ਬਿਲਕੁਲ ਵੀ ਕੋਈ ਕਾਰਨ ਨਹੀਂ ਸੀ। ਪੁਲਿਸ ਵਲੋਂ ਮ੍ਰਿਤਕ ਦਾ ਨਾਮ ਫਿਲਹਾਲ ਜਾਰੀ ਨਹੀਂ ਕੀਤਾ ਗਿਆ ਹੈ।
