26.72C Vancouver 26.72C VancouverOct 26, 2022 12:17 AM - The Canadian Press
ਮੈਟਰੋ ਵੈਨਕੂਵਰ ਕਰਾਈਮ ਸਟੌਪਰਸ ਵੱਲੋਂ ਬੀ.ਸੀ. ਦੇ 5 ਮੋਸਟ ਵਾਂਟਿਡ ਕ੍ਰਿਮੀਨਲਸ ਦੀ ਸੂਚੀ ਜਾਰੀ ਕੀਤੀ ਗਈ ਹੈ।
ਇਸ ਸੂਚੀ 'ਚ ਰਬੀਹ ਅਲਖਲੀਲ ਨੂੰ ਚੋਟੀ 'ਤੇ ਰੱਖਿਆ ਗਿਆ ਹੈ।
ਇਹ ਵਿਅਕਤੀ ਪੋਰਟ ਕੋਕਟਲਮ 'ਚ ਨੌਰਥ ਫਰੇਜ਼ਰ ਪਰੀਟ੍ਰਾਇਲ ਸੈਂਟਰ ਤੋਂ ਦੌੜ ਨਿਕਲਿਆ ਸੀ।
ਇਸ ਦੀ ਭਾਲ ਕੈਨੇਡਾ ਵਾਈਡ ਵਾਰੰਟ 'ਤੇ ਕੀਤੀ ਜਾ ਰਹੀ ਹੈ।
ਇਸ ਵਿਅਕਤੀ ਬਾਰੇ ਗ੍ਰਿਫਤਾਰੀ 'ਚ ਮਦਦ ਪ੍ਰਦਾਨ ਕਰਨ ਵਾਲੀ ਜਾਣਕਾਰੀ ਦੇਣ ਵਾਲੇ ਨੂੰ $250,000 ਦਾ ਇਨਾਮ ਦਿੱਤਾ ਜਾਵੇਗਾ।
ਇਸ ਵਿਅਕਤੀ 'ਤੇ ਕਤਲ ਅਤੇ ਕਤਲ ਦੀ ਸਾਜਿਸ਼ ਜਿਹੇ ਦੋਸ਼ ਲੱਗੇ ਹਨ।
ਇਸ ਵਿਅਕਤੀ ਸੰਬੰਧੀ ਪਹਿਲਾਂ ਬੋਲੋ (ਬੀ ਔਨ ਦ ਲੁੱਕਆਊਟ) ਪ੍ਰੋਗਰਾਮ ਵੱਲੋਂ ਵੀ ਜਾਣਕਾਰੀ ਜਾਰੀ ਕੀਤੀ ਗਈ ਸੀ ਅਤੇ ਇਹ ਵਿਅਕਤੀ ਦੇਸ਼ ਦੇ ਮੋਸਟ ਵਾਂਟਿਡ 25 ਲੋਕਾਂ ਦੀ ਸੂਚੀ 'ਚ ਵੀ ਟੌਪ 'ਤੇ ਸੀ।
ਕਰਾਈਮ ਸਟੌਪਰਸ ਵੱਲੋਂ ਜਾਰੀ ਬਾਕੀ ਦੇ 4 ਲੋਕਾਂ ਦੀ ਸੂਚੀ 'ਚ ਟਿਮੋਥੀ ਡੇਲ ਬੌਰਨਿਕ, ਰਿਕੋ ਜਾਨੋਲੀ, ਜੌਨ ਨੌਰਮੈਨ ਮੈਕੈਂਜੀ ਅਤੇ ਅਮਰਦੀਪ ਸਿੰਘ ਰਾਏ ਦੇ ਨਾਮ ਵੀ ਸ਼ਾਮਿਲ ਹਨ।
ਇਨ੍ਹਾਂ ਲੋਕਾਂ ਦੀਆਂ ਤਸਵੀਰਾਂ ਵੀ ਜਾਰੀ ਕੀਤੀਆਂ ਗਈਆਂ ਹਨ।
ਬਾਕੀ ਦੇ 4 ਲੋਕਾਂ ਦੀ ਭਾਲ ਸੈਕਿੰਡ ਡਿਗਰੀ ਕਤਲ, ਹਮਲੇ ਅਤੇ ਹੋਰ ਅਪਰਾਧਾਂ 'ਚ ਕੀਤੀ ਜਾ ਰਹੀ ਹੈ।
