15.87C Vancouver 15.87C VancouverMay 4, 2022 8:24 PM - The Canadian Press
ਸਸਕੈਚਵਿਨ 'ਚ 5 ਸਰੀ ਨਿਵਾਸੀਆਂ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ।
ਗ੍ਰਿਫਤਾਰ ਕੀਤੇ ਲੋਕਾਂ ਦੀ ਉਮਰ 14 ਤੋਂ 19 ਸਾਲ ਵਿਚਾਲੇ ਦੀ ਦੱਸੀ ਗਈ ਹੈ।
ਸਸਕਾਤੂਨ ਦੇ ਸ਼ਹਿਰ 'ਚ ਗ੍ਰਿਫਤਾਰ ਕੀਤੇ 5 ਲੋਕਾਂ 'ਤੇ ਕੁੱਲ 28 ਦੋਸ਼ ਲੱਗੇ ਹਨ।
ਪੁਲਿਸ ਦਾ ਕਹਿਣਾ ਹੈ ਕਿ ਉਨ੍ਹਾਂ ਨੂੰ ਮੰਗਲਵਾਰ ਨੂੰ ਵਾਹਨਾਂ ਦੀ ਰੇਸ ਸੰਬੰਧੀ ਰਿਪੋਰਟ ਮਿਲੀ ਸੀ।
ਪੁਲਿਸ ਅਨੁਸਾਰ ਜਦ ਅਫ਼ਸਰ ਮੌਕੇ 'ਤੇ ਪਹੁੰਚੇ ਤਾਂ ਇੱਕ ਆਦਮੀ ਨੇ ਦੱਸਿਆ ਕਿ ਇੱਕ ਸ਼ੱਕੀ ਕੋਲ ਬੰਦੂਕ ਸੀ ਅਤੇ ਉਸ ਨੂੰ ਧਮਕਾਇਆ ਗਿਆ ਸੀ।
ਇਨ੍ਹਾਂ ਬੀ.ਸੀ. ਵਾਸੀਆਂ ਨੂੰ ਇੱਕ ਬੀ.ਸੀ. ਰੈਜਿਸਟਰਡ ਮਿਨੀਵੈਨ ਕੋਲ ਵੇਖਿਆ ਗਿਆ।
ਕਥਿਤ ਤੌਰ 'ਤੇ ਤਲਾਸ਼ੀ ਦੌਰਾਨ ਇੱਕ ਚਾਕੂ, ਬੇਅਰ ਮੇਸ, ਕੁਲਹਾੜੀ, ਇੱਕ ਬੀ.ਬੀ. ਗੰਨ, 2 ਬੇਸਬਾਲ ਬੈਟ ਅਤੇ ਸ਼ਰਾਬ ਦੀਆਂ ਬੋਤਲਾਂ ਮਿਲੀਆਂ।
ਮਾਮਲੇ 'ਚ ਗ੍ਰਿਫਤਾਰ ਕੀਤੇ 3 ਲੜਕਿਆਂ ਦੀ ਉਮਰ 19, 18 ਅਤੇ 15 ਸਾਲ ਦੱਸੀ ਗਈ ਹੈ।
ਇਸ ਤੋਂ ਇਲਾਵਾ 2 ਲੜਕੀਆਂ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ ਜਿੰਨਾ ਦੀ ਉਮਰ 15 ਅਤੇ 14 ਸਾਲ ਦੱਸੀ ਗਈ ਹੈ।
