13.62C Vancouver 13.62C VancouverJun 16, 2020 3:35 PM -
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਮੁਤਾਬਕ ਕੋਵਿਡ-19 ਮਹਾਂਮਾਰੀ ਕਾਰਨ ਰੁਜ਼ਗਾਰ ਗਵਾ ਬੈਠੇ ਕਨੇਡੀਅਨ ਲੋਕਾਂ ਲਈ ਸਰਕਾਰ ਵੱਲੋਂ ਮੁਹੱਈਆ ਕਰਵਾਇਆ ਜਾ ਰਿਹਾ ਬੈਨੇਫਿਟ ਅੱਠ ਹਫਤਿਆਂ ਲਈ ਵਧਾ ਦਿੱਤਾ ਜਾਵੇਗਾ।
ਕਨੇਡੀਅਨ ਐਮਰਜੈਂਸੀ ਰਿਸਪਾਂਸ ਬੈਨੇਫਿਟ ਮੱਧ ਮਾਰਚ ਤੋਂ ਸ਼ੁਰੂ ਹੋ ਕੇ 16 ਹਫਤਿਆਂ ਲਈ $500 ਪ੍ਰਤੀ ਹਫਤਾ ਮੁਹੱਈਆ ਕਰਵਾਉਂਦਾ ਹੈ ਅਤੇ ਜ਼ਿਆਦਾਤਰ ਲੋਕਾਂ ਲਈ ਇਸ ਦੀ ਮਿਆਦ ਜਲਦ ਹੀ ਖਤਮ ਹੋਣ ਵਾਲੀ ਹੈ।
ਟਰੂਡੋ ਨੇ ਕਿਹਾ ਕਿ ਨੋਵਲ ਕਰੋਨਾਵਾਇਰਸ ਕਾਰਨ ਵਪਾਰਾਂ ਦੇ ਬੰਦ ਹੋ ਜਾਣ ਦੀ ਵਜ੍ਹਾ ਨਾਲ ਪ੍ਰਭਾਵਿਤ ਹੋਈ ਅਰਥ ਵਿਵਸਥਾ ਜਿੱਥੇ ਹੌਲੀ ਹੌਲੀ ਠੀਕ ਹੋ ਰਹੀ ਹੈ ਉੱਥੇ ਹੀ ਹਾਲੇ ਹੋਰ ਕੰਮ ਹੋਣਾ ਬਾਕੀ ਹੈ।
ਕਨੇਡੀਅਨ ਐਮਰਜੈਂਸੀ ਰਿਸਪਾਂਸ ਬੈਨੇਫਿਟ ਨੂੰ ਅਗਾਂਹ ਵਧਾਉਣ ਦੀ ਮੰਗ ਨਿਊ ਡੈਮੋਕਰੇਟਸ ਵੱਲੋਂ ਕੀਤੀ ਜਾਂਦੀ ਰਹੀ ਹੈ ਜਿਸ ਦੇ ਬਦਲੇ ਆਉਣ ਵਾਲੀ ਵਿਸ਼ਵਾਸ ਵੋਟ ਵਿੱਚ ਉਹ ਘੱਟ ਗਿਣਤੀ ਲਿਬਰਲਾਂ ਨੂੰ ਆਪਣਾ ਸਮਰਥਨ ਦੇਣ ਲਈ ਤਿਆਰ ਹਨ।
ਇਸ ਬੈਨੇਫਿਟ ਦਾ ਬਜਟ $60 ਬਿਲੀਅਨ ਹੈ ਅਤੇ 4 ਜੂਨ ਤੱਕ ਇਸ ਦਾ $43.51 ਬਿਲੀਅਨ ਖਰਚਾ ਸਰਕਾਰ ਨੂੰ ਚੁੱਕਣਾ ਪਿਆ ਹੈ।
ਟਰੂਡੋ ਨੇ ਖਰਚੇ ਦੇ ਹੋਰ ਵੇਰਵੇ ਸਾਂਝੇ ਨਹੀਂ ਕੀਤੇ ਪਰ ਕਿਹਾ ਕਿ ਵਪਾਰਾਂ ਦੇ ਦੁਬਾਰਾ ਖੁੱਲ੍ਹਣ ਨਾਲ ਉਮੀਦ ਹੈ ਕਿ ਘੱਟ ਲੋਕਾਂ ਨੂੰ ਬੈਨੇਫਿਟ ਉੱਤੇ ਨਿਰਭਰ ਕਰਨ ਦੀ ਲੋੜ ਪਵੇਗੀ।
