13.74C Vancouver 13.74C VancouverJul 4, 2022 7:27 PM - The Canadian Press
ਸ਼ਿਕਾਗੋ 'ਚ ਜੁਲਾਈ ਫੋਰਥ ਪਰੇਡ 'ਚ ਗੋਲੀ ਚੱਲਣ ਦੀ ਵਾਰਦਾਤ ਵਾਪਰ ਗਈ ਹੈ।
ਤਾਜਾ ਜਾਣਕਾਰੀ ਅਨੁਸਾਰ ਘਟਨਾ 'ਚ ਘਟੋ-ਘੱਟ 6 ਲੋਕਾਂ ਦੀ ਮੌਤ ਹੋ ਗਈ ਹੈ।
ਘਟਨਾ 'ਚ ਘਟੋ-ਘੱਟ 24 ਲੋਕਾਂ ਨੂੰ ਹਸਪਤਾਲ ਪਹੁੰਚਾਏ ਜਾਣ ਦੀ ਜਾਣਕਾਰੀ ਸਾਹਮਣੇ ਆਈ ਹੈ।
ਜਾਣਕਾਰੀ ਅਨੁਸਾਰ ਇਹ ਪਰੇਡ ਸਥਾਨਿਕ ਸਮੇਂ ਅਨੁਸਾਰ ਸਵੇਰ ਕਰੀਬ 10 ਵਜੇ ਸ਼ੁਰੂ ਹੋਈ ਸੀ ਪਰ ਕਰੀਬ 10 ਮਿੰਟ ਬਾਅਦ ਹੀ ਗੋਲੀਆਂ ਚੱਲਣ ਦੀ ਆਵਾਜ਼ ਨਾਲ ਮੌਕੇ 'ਤੇ ਹਫੜਾ-ਤਫੜੀ ਦਾ ਮਾਹੌਲ ਬਣ ਗਿਆ।
ਲੋਕ ਜਿਵੇਂ-ਤਿਵੇਂ ਮੌਕੇ ਤੋਂ ਦੌੜਦੇ ਵਿਖਾਈ ਦਿੱਤੇ।
ਹੁਣ ਤਕ ਦੀ ਜਾਣਕਾਰੀ ਅਨੁਸਾਰ ਗੋਲੀ ਇੱਕ ਉੱਚੀ ਇਮਾਰਤ ਤੋਂ ਚਲਾਈ ਗਈ ਮੰਨੀ ਜਾ ਰਹੀ ਹੈ।
ਇਲੀਨੌਏ ਸਟੇਟ ਸੈਨੇਟਰ ਜੂਲੀ ਮੌਰੀਸਨ ਵੀ ਇਸ ਪਰੇਡ 'ਚ ਹਿੱਸਾ ਲੈ ਰਹੀ ਸਨ, ਜਦ ਵਾਰਦਾਤ ਦੌਰਾਨ ਉਨ੍ਹਾਂ ਗੋਲੀ ਚੱਲਣ ਦੀ ਆਵਾਜ ਸੁਣੀ।
ਉਨ੍ਹਾਂ ਕਿਹਾ ਕਿ ਉਹ ਇੱਕ ਗੱਡੀ 'ਚ ਬੈਠੀ ਸਨ ਅਤੇ ਜਾਨ ਬਚਾਉਣ ਲਈ ਝੁਕ ਗਈ।
ਉਧਰ ਘਟਨਾ ਦੌਰਾਨ ਮੌਕੇ 'ਤੇ ਮੌਜੂਦ ਆਮਾਰੌਨੀ ਗਾਰਸੀਆ ਨਾਮ ਦੀ ਇੱਕ ਪ੍ਰਤੱਖਦਰਸ਼ੀ ਨੇ ਕਿਹਾ ਕਿ ਗੋਲੀਆਂ ਚੱਲਣ ਦੀ ਆਵਾਜ਼ ਕਾਰਨ ਦਹਿਸ਼ਤ ਦਾ ਮਾਹੌਲ ਬਣ ਗਿਆ ਸੀ।
