17.59C Vancouver 17.59C VancouverOct 13, 2020 9:32 PM -
ਕੈਲੋਨਾ 'ਚ ਪੁਲਿਸ ਕਿਸੇ ਗਵਾਹ ਦੀ ਭਾਲ ਕਰ ਰਹੀ ਹੈ, ਜਿਸ ਨਾਲ ਕਿ ਹਾਈਵੇਅ 33 ਕੋਲ ਵਾਪਰੇ ਕ੍ਰੈਸ਼ ਬਾਰੇ ਵਧੇਰੇ ਜਾਣਕਾਰੀ ਮਿਲ ਸਕੇ।
ਇਸ ਕ੍ਰੈਸ਼ 'ਚ ਇੱਕ 60 ਸਾਲਾ ਮੋਟਰਸਾਈਕਲ ਚਾਲਕ ਦੀ ਮੌਤ ਹੋ ਗਈ ਹੈ।
ਆਰ.ਸੀ.ਐਮ.ਪੀ. ਦਾ ਕਹਿਣਾ ਹੈ ਕਿ ਇੱਕ ਚਿੱਟੇ ਸ਼ੈਵਰੋਲੇਟ ਵਾਹਨ ਨੇ, ਪੱਛਮ ਦਿਸ਼ਾ 'ਚ ਜਾਂਦੇ ਹੋਏ ਮੱਧ ਰੇਖਾ ਨੂੰ ਟੱਪ ਦਿੱਤਾ ਅਤੇ ਲਾਲ ਰੰਗ ਦੇ ਹੌਂਡਾ ਮੋਟਰਸਾਈਕਲ ਨਾਲ ਟੱਕਰ ਹੋ ਗਈ।
ਇਸ ਦੌਰਾਨ ਮੋਟਰਸਾਈਕਲ ਸਵਾਰ ਗੰਭੀਰ ਜ਼ਖਮੀ ਹੋ ਗਿਆ ਅਤੇ ਹਸਪਤਾਲ 'ਚ ਇਲਾਜ ਦੌਰਾਨ ਉਸ ਨੇ ਦਮ ਤੋੜ ਦਿੱਤਾ।
ਵਾਹਨ ਚਾਲਕ ਮੌਕੇ 'ਤੇ ਹੀ ਮੌਜੂਦ ਰਿਹਾ ਅਤੇ ਪੁਲਿਸ ਨਾਲ ਸਹਿਯੋਗ ਕਰ ਰਿਹਾ ਹੈ।
ਪੁਲਿਸ ਨੇ ਲੋਕਾਂ ਨੂੰ ਅਪੀਲ ਕੀਤੀ ਹੈ ਕਿ ਘਟਨਾ ਦੀ ਕੋਈ ਡੈਸ਼ਕੈਮ ਫੁਟੇਜ ਹੋਵੇ ਤਾਂ ਪੁਲਿਸ ਨਾਲ ਸਾਂਝੀ ਕੀਤੀ ਜਾਵੇ।
