7,024 people died from illicit drug overdoses since the public health emergency declared in B.C.

ਬੀ.ਸੀ. ਡਰੱਗ ਓਵਰਡੋਜ਼ ਸੰਕਟ 'ਤੇ ਐਮਰਜੈਂਸੀ ਤੋਂ ਬਾਅਦ 7,024 ਲੋਕਾਂ ਦੀ ਹੋ ਚੁੱਕੀ ਮੌਤ

Share On

7-024-people-died-from-illicit-drug-overdoses-since-the-public-health-emergency-declared-in-b-c

Heartfelt messages are left on a table as people come out to mark International Overdose Awareness Day during a mass group naloxone training seminar at Centennial Square in Victoria, B.C., on Saturday August 31, 2019. THE CANADIAN PRESS/Chad Hipolito

ਬੀ.ਸੀ. ਵਿੱਚ ਡਰੱਗ ਓਵਰਡੋਜ਼ ਸੰਕਟ ਸਬੰਧੀ, ਐਮਰਜੈਂਸੀ ਐਲਾਨੇ ਜਾਣ ਦੇ 5 ਸਾਲ ਪੂਰੇ ਹੋਣ 'ਤੇ ਬੀ.ਸੀ. ਦੀ ਚੀਫ ਕੋਰੋਨਰ ਲੀਜ਼ਾ ਲਾਪੌਂਟ ਨੇ ਐਲਾਨ ਕੀਤਾ ਹੈ ਕਿ ਮਾਹਿਰਾਂ ਦਾ ਇੱਕ ਨਵਾਂ 'ਡੈਥ ਰੀਵਿਊ ਪੈਨਲ' ਬਣਾਇਆ ਜਾਵੇਗਾ।

ਉਨ੍ਹਾਂ ਦੱਸਿਆ ਕਿ ਇਹ ਪੈਨਲ 2018 ਵਿੱਚ ਬਣਾਏ ਗਏ ਅਜਿਹੇ ਹੀ ਇੱਕ ਪੈਨਲ ਦੀਆਂ ਸਿਫਾਰਸ਼ਾਂ 'ਤੇ ਕੀਤੀ ਗਈ ਕਾਰਵਾਈ ਅਤੇ ਡਰੱਗਸ ਦੀ ਸੁਰੱਖਿਅਤ ਸਪਲਾਈ ਜਿਹੇ ਮੁੱਦਿਆਂ ਬਾਰੇ ਨਵੇਂ ਵਿਕਲਪਾਂ ਦੀ ਸੰਭਾਵਨਾ ਦਾ ਜਾਇਜ਼ਾ ਲਵੇਗਾ।

ਉਨ੍ਹਾਂ ਦੱਸਿਆ ਕਿ ਓਵਰਡੋਜ਼ ਕਾਰਨ ਜਾਨ ਗਵਾਉਣ ਵਾਲਿਆਂ ਦੀ ਔਸਤ ਉਮਰ 43 ਸਾਲ ਹੈ ਅਤੇ ਇਸ 'ਚ 80% ਮੌਤਾਂ ਮਰਦਾਂ ਦੀਆਂ ਹੋਈਆਂ ਹਨ।

ਇਸ ਮੌਕੇ ਪ੍ਰੋਵਿੰਸ਼ੀਅਲ ਸਿਹਤ ਅਫ਼ਸਰ, ਡਾ. ਬੌਨੀ ਹੈਨਰੀ ਨੇ ਦੱਸਿਆ ਕਿ ਬੀਤੇ 5 ਸਾਲ 'ਚ ਓਵਰਡੋਜ਼ ਕਾਰਨ ਮੌਤਾਂ ਦੀ ਗਿਣਤੀ 7,000 ਤੋਂ ਪਾਰ ਹੋ ਚੁੱਕੀ ਹੈ।

ਉਨ੍ਹਾਂ ਕਿਹਾ ਕਿ ਇਸ ਸੰਕਟ ਨਾਲ ਨਜਿੱਠਣਾ ਉਨ੍ਹਾਂ ਲਈ ਅਤੇ ਉਨ੍ਹਾਂ ਦੇ ਦਫ਼ਤਰ ਲਈ ਤਰਜੀਹ ਦਾ ਮਾਮਲਾ ਹੈ।

ਡਾ. ਬੌਨੀ ਹੈਨਰੀ ਨੇ ਕਿਹਾ ਕਿ ਸਰਕਾਰ ਕਦਮ ਚੁੱਕ ਰਹੀ ਹੈ ਕਿ ਡਰੱਗਸ ਦੀ ਇੱਕ ਸੀਮਤ ਮਾਤਰਾ ਨੂੰ ਗੈਰ-ਅਪਰਾਧਿਕ ਬਣਾਇਆ ਜਾਵੇ ਅਤੇ ਇਸ ਦੀ ਸੁਰੱਖਿਅਤ ਪਹੁੰਚ ਨੂੰ ਯਕੀਨੀ ਬਣਾਇਆ ਜਾਵੇ।

ਬੀ. ਸੀ. ਵਿਚ ਕੈਲੋਨਾ ਨੇੜੇ ਓਕਾਨਾਗਨ ਲੇਕ ਵਿਚ ਇੱਕ ਕਾਯਕਰ ਪਲਟਣ ਨਾਲ ਇੱਕ ਵਿਅਕਤੀ ਦੀ ਮੌਤ ਹੋ ਗਈ। ਵੈਸਟ ਕੈਲੋਨਾ ਆਰ.ਸੀ.ਐਮ.ਪੀ.ਮੁਤਾਬਕ ਇਹ ਹਾਦਸਾ 19 ਜੂਨ ਨੂੰ ਸ਼ਾਮ ਕਰੀਬ 7 ਵਜੇ ਵੈਸਟਬੈਂਕ ਫਸਟ ਨੇਸ਼ਨ ਬੀਚ ਨੇੜੇ ਵਾਪਰਿਆ, ਜਿੱਥੇ ਅਚਾਨਕ ਚੱਲੀਆਂ ਤੇਜ਼ ਹਵਾਵਾਂ ਕਾਰਨ ਕਾਇਕ ਵਿਚ ਸਵਾਰ ਦੋਵੇਂ ਪੈਡਲਰ ਪਾਣੀ ਵਿਚ ਡਿੱਗ ਗਏ ਅਤੇ ਤੈਰ ਕੇ ਕਿਨਾਰੇ ਆਉਣ ਦੀ ਕੋਸ਼ਿਸ਼ ਕਰਨ ਲੱਗੇ ਪਰ ਇਨ੍ਹਾਂ ਵਿਚੋਂ ਇੱਕ ਵਿਅਕਤੀ ਪਾਣੀ ਅੰਦਰ ਡੁੱਬ ਗਿਆ ਜੋ ਬਾਅਦ ਵਿਚ ਉੱਪਰ ਨਹੀਂ ਆ ਸਕਿਆ।