17.98C Vancouver 17.98C VancouverMay 10, 2021 7:24 PM -
ਕੋਲੋਰਾਡੋ ਦੇ ਅਧਿਕਾਰੀਆਂਵੱਲੋਂ ਇੱਕ ਗੋਲੀਬਾਰੀ ਦੀ ਘਟਨਾ ਦੀ ਜਾਂਚ ਕੀਤੀ ਜਾ ਰਹੀ ਹੈ।
ਪਤਾ ਕਰਨ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ ਕਿ ਵੀਕਐਂਡ ਦੌਰਾਨ ਇੱਕ ਵਿਅਕਤੀ ਨੇ ਇੱਕ ਜਨਮਦਿਨ ਪਾਰਟੀ ਦੌਰਾਨ ਗੋਲੀ ਕਿਉਂ ਚਲਾ ਦਿੱਤੀ।
ਇਸ ਘਟਨਾ ਦੌਰਾਨ ਗੋਲੀ ਚਲਾਉਣ ਵਾਲੇ ਆਦਮੀ ਦੀ ਗਰਲਫਰੈਂਡ ਅਤੇ 5 ਹੋਰ ਐਡਲਟ ਲੋਕਾਂ ਦੀ ਮੌਤ ਹੋ ਗਈ।
ਇਸ ਤੋਂ ਬਾਅਦ ਹਮਲਾਵਰ ਨੇ ਖੁਦ ਨੂੰ ਗੋਲੀ ਮਾਰ ਕੇ ਆਪਣੀ ਜਾਨ ਲੈ ਲਈ।
ਪੁਲਿਸ ਦਾ ਕਹਿਣਾ ਹੈ ਕਿ ਘਟਨਾ ਐਤਵਾਰ ਨੂੰ ਅੱਧੀ-ਰਾਤ ਤੋਂ ਕੁਝ ਸਮੇਂ ਬਾਅਦ ਵਾਪਰੀ।
ਘਟਨਾ ਕੋਲੋਰਾਡੋ ਸਪਰਿੰਗਸ ਦੇ ਇਲਾਕੇ 'ਚ ਵਾਪਰੀ ਦੱਸੀ ਗਈ।
ਅਫ਼ਸਰਾਂ ਨੇ ਇੱਕ ਹੋਮ-ਟਰੇਲਰ ਤਕ ਪਹੁੰਚ ਕੀਤੀ ਅਤੇ ਮੌਕੇ 'ਤੇ 6 ਲੋਕਾਂ ਨੂੰ ਮ੍ਰਿਤ ਪਾਇਆ।
ਇੱਕ ਵਿਅਕਤੀ ਨੂੰ ਗੰਭੀਰ ਹਾਲਤ 'ਚ ਹਸਪਤਾਲ ਪਹੁੰਚਾਇਆ ਗਿਆ ਜਿਸ ਨੇ ਬਾਅਦ 'ਚ ਹਸਪਤਾਲ 'ਚ ਦਮ ਤੋੜ ਦਿੱਤਾ।
ਪੁਲਿਸ ਨੇ ਦੱਸਿਆ ਕਿ ਸ਼ੱਕੀ ਸ਼ੂਟਰ ਇੱਕ ਪੀੜਤ ਔਰਤ ਦਾ ਬੁਆਏਫਰੈਂਡ ਸੀ ਜਿਸ ਨੇ ਪਾਰਟੀ 'ਚ ਦਾਖਿਲ ਹੋਣ ਤੋਂ ਬਾਅਦ ਗੋਲੀਆਂ ਚਲਾ ਦਿੱਤੀਆਂ।
ਇਸ ਪਾਰਟੀ 'ਚ ਕੁਝ ਪਰਿਵਾਰ ਅਤੇ ਬੱਚੇ ਵੀ ਸ਼ਾਮਿਲ ਦੱਸੇ ਗਏ ਪਰ ਕਿਸੇ ਬੱਚੇ ਦੇ ਜ਼ਖਮੀ ਹੋਣ ਤੋਂ ਬਚਾਅ ਰਿਹਾ।
