9.5C Vancouver 9.5C VancouverNov 8, 2023 7:20 PM - The Canadian Press
ਫੈਡਰਲ ਸਰਕਾਰ ਨੇ ਕੈਨੇਡਾ ਨਾਲ ਸਬੰਧਤ 75 ਲੋਕਾਂ ਦੇ ਗਾਜ਼ਾ ਵਿੱਚੋਂ ਇਸ ਦੇ ਨਾਲ ਲੱਗਦੀ ਮਿਸਰ ਦੀ ਸਰਹੱਦ ਰਾਹੀਂ ਨਿਕਲਣ ਦੀ ਪੁਸ਼ਟੀ ਕੀਤੀ ਹੈ।
ਉੱਥੇ ਹੀ ਹੋਰ ਕੈਨੇਡੀਅਨ ਵੀ ਜਲਦੀ ਹੀ ਗਾਜ਼ਾ ਛੱਡ ਸਕਦੇ ਹਨ ਕਿਉਂਕਿ ਉਥੋਂ ਦੀ ਜਨਰਲ ਅਥਾਰਟੀ ਆਫ਼ ਕਰਾਸਿੰਗ ਐਂਡ ਬਾਰਡਰ ਵਲੋਂ ਤਾਜ਼ਾ ਪ੍ਰਕਾਸ਼ਿਤ ਦਸਤਾਵੇਜ਼ ਵਿੱਚ ਕੈਨੇਡੀਅਨ ਦੇ ਨਾਮ ਸ਼ਾਮਲ ਕੀਤੇ ਗਏ ਹਨ।
ਗਲੋਬਲ ਅਫੇਅਰਜ਼ ਕੈਨੇਡਾ ਨੇ ਕਿਹਾ ਕਿ ਫਿਲਹਾਲ ਇਹ ਨਹੀਂ ਕਹਿ ਸਕਦੇ ਹਰ ਦਿਨ ਕਦੋਂ ਅਤੇ ਕਿੰਨੇ ਕੈਨੇਡੀਅਨ ਸਰਹੱਦ ਪਾਰ ਕਰ ਸਕਦੇ ਹਨ ਕਿਉਂਕਿ ਸਥਿਤੀ ਵਾਰ-ਵਾਰ ਬਦਲ ਰਹੀ ਹੈ।
ਡਿਪਾਰਟਮੈਂਟ ਨੇ ਕਿਹਾ ਕਿ ਫਲਸਤੀਨੀ ਖੇਤਰ ਤੋਂ ਨਿਕਲਣ ਵਾਲੇ ਲੋਕਾਂ ਦੀ ਮਦਦ ਲਈ ਕੈਨੇਡੀਅਨ ਅਧਿਕਾਰੀ ਗਾਜ਼ਾ ਸਰਹੱਦ ਦੀ ਮਿਸਰੀ ਪਾਸੇ 'ਤੇ ਮੌਜੂਦ ਹਨ।
ਗੌਰਤਲਬ ਹੈ ਕਿ ਵਿਭਾਗ ਨੇ ਸੋਮਵਾਰ ਨੂੰ ਇੱਕ ਬਿਆਨ ਵਿਚ ਕਿਹਾ ਸੀ ਕਿ ਇਜ਼ਰਾਈਲੀ ਫੌਜ ਨੇ ਕੈਨੇਡਾ ਨੂੰ ਭਰੋਸਾ ਦਿੱਤਾ ਹੈ ਕਿ ਆਉਣ ਵਾਲੇ ਦਿਨਾਂ ਵਿੱਚ 400 ਤੋਂ ਵੱਧ ਕੈਨੇਡੀਅਨ ਨਾਗਰਿਕ ਸਰਹੱਦ ਪਾਰ ਕਰ ਸਕਣਗੇ।
ਦੱਸ ਦੇਈਏ ਕਿ ਫਲਸਤੀਨੀ ਖੇਤਰ ਤੋਂ ਮਿਸਰ ਵਿੱਚ ਨਿਕਲਣ ਲਈ ਰਫਾਹ ਕਰਾਸਿੰਗ ਇੱਕੋ-ਇੱਕ ਐਗਜ਼ਿਟ ਪੁਆਇੰਟ ਹੈ।
ਵਿਦੇਸ਼ੀ ਪਾਸਪੋਰਟ ਹੋਲਡਰਸ ਨੂੰ ਰਫਾਹ ਲੈਂਡ ਬਾਰਡਰ ਰਾਹੀਂ ਗਾਜ਼ਾ ਤੋਂ ਮਿਸਰ ਵਿੱਚ ਐਂਟਰੀ ਮਿਲ ਰਹੀ ਹੈ।
