12.62C Vancouver 12.62C VancouverJul 14, 2020 10:37 PM -
ਬੀ.ਸੀ. ਦੇ ਇੱਕ 75 ਸਾਲਾ ਵਿਅਕਤੀ 'ਤੇ ਜਿਨਸੀ ਹਮਲੇ ਦੇ 4 ਦੋਸ਼ ਅਤੇ ਜਿਨਸੀ ਸ਼ੋਸ਼ਣ ਦੇ 2 ਦੋਸ਼ ਲੱਗੇ ਹਨ। ਇਲਜ਼ਾਮਾਂ ਦਾ ਸਾਹਮਣਾ ਕਰ ਰਹੇ ਵਿਅਕਤੀ ਦਾ ਨਾਮ 'ਰੇਮੰਡ ਹੋਵਰਡ ਗੈਗਲਾਰਡੀ ਦੱਸਿਆ ਗਿਆ ਹੈ।
ਇਹ ਕਥਿਤ ਘਟਨਾਵਾਂ ਕੋਕਟਲਮ 'ਚ ਸਾਲ 1993 ਤੋਂ 2007 ਦੇ ਵਿਚਾਲੇ ਵਾਪਰੀਆਂ ਹਨ। ਇਨ੍ਹਾਂ ਘਟਨਾਵਾਂ 'ਚ 3 ਟੀਨੇਜਰ ਲੜਕੇ, ਅਤੇ ਇੱਕ ਯੁਵਕ ਨੂੰ ਪੀੜਤ ਦੱਸਿਆ ਗਿਆ ਹੈ।
ਕੋਕਟਲਮ ਆਰ.ਸੀ.ਐਮ.ਪੀ. ਦਾ ਕਹਿਣਾ ਹੈ ਕਿ ਉਹ ਹੋਰ ਪੀੜਤਾਂ ਦੀ ਭਾਲ ਕਰ ਰਹੇ ਹਨ ਜੋ ਕਿ ਫਿਲਹਾਲ ਆਪਣਾ ਪੱਖ ਨਹੀਂ ਰੱਖ ਰਹੇ ਹਨ।
ਪੁਲਿਸ ਅਧਿਕਾਰੀ ਦਾ ਕਹਿਣਾ ਸੀ ਕਿ ਕਿਸੇ ਐਡਲਟ ਵਿਅਕਤੀ ਲਈ ਇਹ ਬੇਹੱਦ ਮੁਸ਼ਕਿਲ ਹੁੰਦਾ ਹੈ ਕਿ ਖੁਦ ਨਾਲ ਬੀਤੇ ਸਾਲਾਂ 'ਚ ਵਾਪਰੀਆਂ ਅਜਿਹੀਆਂ ਘਟਨਾਵਾਂ ਬਾਰੇ ਖੁਲਾਸਾ ਕੀਤਾ ਜਾਵੇ।
ਪੁਲਿਸ ਅਧਿਕਾਰੀ ਨੇ ਕਿਹਾ ਕਿ ਅੱਗੇ ਦੀ ਜਾਂਚ ਅਤੇ ਮਾਮਲੇ ਦੀ ਗੰਭੀਰਤਾ ਨੂੰ ਸਮਝਣ ਲਈ ਜ਼ਰੂਰੀ ਹੈ ਕਿ ਜੇਕਰ ਕੋਈ ਹੋਰ ਪੀੜਤ ਹਨ ਤਾਂ ਉਹ ਵੀ ਅੱਗੇ ਆਉਣ ਅਤੇ ਮਾਮਲੇ 'ਤੇ ਚਾਨਣਾ ਪਾਉਣ।
ਅਧਿਕਾਰੀਆਂ ਦਾ ਕਹਿਣਾ ਸੀ ਕਿ ਦੋਸ਼ਾਂ ਦਾ ਸਾਹਮਣਾ ਕਰ ਰਹੇ ਵਿਅਕਤੀ ਨੂੰ ਡਾ. ਰੇਅ ਗੈਗਲਾਰਡੀ ਵਜੋਂ ਵੀ ਜਾਣਿਆ ਜਾਂਦਾ ਸੀ ਅਤੇ ਉਹ ਯੁਵਾ ਲੋਕਾਂ ਨੂੰ ਥੈਰੇਪੀ ਸੈਸ਼ਨ ਦਿੰਦਾ ਸੀ।
ਪੁਲਿਸ ਦਾ ਕਹਿਣਾ ਹੈ ਕਿ ਗੈਗਲਾਰਡੀ ਕੋਕਟਲਮ ਅਤੇ ਪੋਰਟ ਕੋਕਟਲਮ ਦੇ ਇਲਾਕੇ ਵਿੱਚ ਇੱਕ ਤੋਂ ਵੱਧ ਚਰਚ ਨਾਲ ਵੀ ਜੁੜਿਆ ਰਿਹਾ ਹੈ।
ਪੁਲਿਸ ਦਾ ਕਹਿਣਾ ਸੀ ਕਿ ਗੈਗਲਾਰਡੀ ਨੂੰ ਗ੍ਰਿਫਤਾਰ ਕੀਤਾ ਗਿਆ ਸੀ ਅਤੇ ਕੁਝ ਸ਼ਰਤਾਂ 'ਤੇ ਉਸ ਨੂੰ ਛੱਡ ਦਿੱਤਾ ਗਿਆ ਹੈ, ਜਿਸ ਦੇ ਵਿੱਚ ਉਸ ਨੂੰ ਕਿਸੇ ਵੀ 18 ਸਾਲ ਤੋਂ ਘੱਟ ਉਮਰ ਦੇ ਵਿਅਕਤੀ ਨਾਲ ਇਕੱਲੇ ਨਾ ਰਹਿਣ ਦੀ ਸ਼ਰਤ ਵੀ ਸ਼ਾਮਿਲ ਹੈ। ਹਾਲਾਂਕਿ ਜਨਤਕ ਥਾਵਾਂ 'ਤੇ ਇਹ ਸ਼ਰਤ ਲਾਗੂ ਨਹੀਂ ਹੋਵੇਗੀ।
