17.72C Vancouver 17.72C VancouverMay 26, 2021 9:26 PM -
ਅਮਰੀਕਾ 'ਚ ਕੈਲੀਫੋਰਨੀਆ ਦੇ ਸੈਨ ਹੋਜ਼ੇ ਦੇ ਇਲਾਕੇ 'ਚ ਗੋਲੀ ਚੱਲਣ ਦੀ ਵਾਰਦਾਤ ਵਿੱਚ ਵੱਡਾ ਜਾਨੀ ਨੁਕਸਾਨ ਹੋਇਆ ਹੈ।
ਇਸ ਘਟਨਾ 'ਚ 8 ਲੋਕਾਂ ਦੀ ਮੌਤ ਹੋ ਗਈ ਹੈ।
ਸੈਨ ਹੋਜ਼ੇ ਦੇ ਮੇਅਰ ਸੈਮ ਲਿਕਾਰਡੋ ਨੇ ਕਿਹਾ ਕਿ, "ਇਹ ਸਾਡੇ ਸ਼ਹਿਰ ਲਈ ਇੱਕ ਭਿਆਨਕ ਦਿਨ ਹੈ।"
ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਮ੍ਰਿਤਕਾਂ ਵਿੱਚ ਟ੍ਰਾਂਜ਼ਿਟ ਕਰਮਚਾਰੀ ਹਨ।
ਇਹ ਵੀ ਦੱਸਿਆ ਗਿਆ ਕਿ, ਸ਼ੂਟਰ ਦੀ ਵੀ ਮੌਤ ਹੋ ਗਈ ਹੈ।
ਘਟਨਾ ਨੂੰ ਅੰਜਾਮ ਦੇਣ ਪਿੱਛੇ ਦਾ ਉਦੇਸ਼ ਸਪਸ਼ਟ ਨਹੀਂ ਹੋਇਆ ਹੈ।
ਪੀੜਤ ਲੋਕਾਂ 'ਚ ਵੈਲੀ ਟਰਾਂਸਪੋਰਟੇਸ਼ਨ ਅਥੌਰਿਟੀ (Valley Transportation Authority) ਦੇ ਕਰਮਚਾਰੀ ਹਨ।
ਇਹ ਗੋਲੀਬਾਰੀ ਦੀ ਵਾਰਦਾਤ ਇੱਕ ਲਾਈਟ ਰੇਲ ਫੈਸਿਲਿਟੀ (light rail facility) 'ਚ ਵਾਪਰੀ।
ਯਾਦ ਰਹੇ ਇਸ ਸਾਲ ਅਮਰੀਕਾ 'ਚ ਵਾਪਰੀ ਇਹ ਤੀਜੀ ਮਾਸ ਸ਼ੂਟਿੰਗ ਦੀ ਵੱਡੀ ਵਾਰਦਾਤ ਹੈ।
ਇਸ ਤੋਂ ਪਹਿਲਾਂ ਐਟਲਾਂਟਾ ਦੇ ਇਲਾਕੇ 'ਚ ਮਸਾਜ ਪਾਰਲਰਸ ਨੂੰ ਗੋਲੀਬਾਰੀ ਦਾ ਨਿਸ਼ਾਨਾ ਬਣਾਇਆ ਗਿਆ ਸੀ ਅਤੇ ਇੰਡੀਆਨਾਪੌਲਿਸ 'ਚ ਫੈਡਐਕਸ ਫੈਸਿਲਟੀ 'ਚ ਗੋਲੀਬਾਰੀ ਦੀ ਵਾਰਦਾਤ ਵਾਪਰੀ ਸੀ।
