17.39C Vancouver 17.39C VancouverNov 7, 2023 10:22 PM - The Canadian Press
ਸਰੀ ਵਿੱਚ ਬਾਏਲਾਅ ਅਫਸਰਾਂ ਨੇ ਇੱਕ ਸੰਪਤੀ ਤੋਂ $80,000 ਮੁੱਲ ਦੇ ਗੈਰ ਕਾਨੂੰਨੀ ਪਟਾਕੇ ਜ਼ਬਤ ਕੀਤੇ ਹਨ।
ਮੰਨਿਆ ਜਾਂਦਾ ਹੈ ਕਿ ਇਹ ਜ਼ਬਤੀ ਉਸੇ ਮਾਲਕ ਤੋਂ ਹੋਈ ਹੈ ਜਿਸ ਕੋਲੋਂ ਹੇਲੋਵੀਨ ਤੋਂ ਹਫ਼ਤਾ ਪਹਿਲਾਂ $100,000 ਦੇ ਗੈਰ ਕਾਨੂੰਨੀ ਪਟਾਕੇ ਫੜੇ ਗਏ ਸਨ।
ਤਾਜ਼ਾ ਮਾਮਲੇ ਵਿੱਚ ਬਾਏਲਾਅ ਅਫਸਰਾਂ ਨੇ ਗਾਹਕ ਬਣ ਕੇ ਪਟਾਕੇ ਖਰੀਦਣ ਲਈ ਸੇਲਰ ਨਾਲ ਮੁਲਾਕਾਤ ਬੁੱਕ ਕੀਤੀ।
ਸਿਟੀ ਦੇ ਅਧਿਕਾਰੀਆਂ ਮੁਤਾਬਕ ਇਹ ਇੱਕ ਖਾਲੀ ਛੱਡਿਆ ਗਿਆ ਘਰ ਲੱਗਦਾ ਸੀ।
ਅਧਿਕਾਰੀਆਂ ਨੇ ਦਰਵਾਜ਼ੇ ਤੋਂ ਪਟਾਕਿਆਂ ਦਾ ਵੱਡਾ ਭੰਡਾਰ ਦੇਖਿਆ ਅਤੇ ਫਿਰ ਸੇਲਰ ਨੂੰ ਦੱਸਿਆ ਕਿ ਉਹ ਪਟਾਕਿਆਂ ਦੀ ਗੈਰ-ਕਾਨੂੰਨੀ ਵਿਕਰੀ ਦੀ ਜਾਂਚ ਲਈ ਇੱਥੇ ਪਹੁੰਚੇ ਹਨ।
ਬਾਏਲਾਅ ਅਫਸਰਾਂ ਨੇ ਮੌਕੇ 'ਤੇ ਗੈਰ ਕਾਨੂੰਨੀ ਪਟਾਕੇ ਜ਼ਬਤ ਕੀਤੇ ਅਤੇ ਦੋ ਟਿਕਟਾਂ ਜਾਰੀ ਕੀਤੀਆਂ ਗਈਆਂ।
ਗੌਰਤਲਬ ਹੈ ਕਿ ਸਿਟੀ ਵਿੱਚ ਲੋਕਲ ਫਾਇਰ ਡਿਪਾਰਟਮੈਂਟ ਅਤੇ ਫੈਡਰਲ ਫਾਇਰਵਰਕਸ ਆਪਰੇਟਰ ਸਰਟੀਫਿਕੇਸ਼ਨ ਤੋਂ ਵੈਧ ਪਰਮਿਟ ਦੇ ਬਿਨਾਂ ਪਟਾਕੇ ਵੇਚਣ ਅਤੇ ਚਲਾਉਣਾ ਗੈਰ-ਕਾਨੂੰਨੀ ਹੈ।
ਨਿਯਮਾਂ ਦੀ ਉਲੰਘਣਾ 'ਤੇ ਲਾਇਸੰਸ ਮੁਅੱਤਲ ਤੋਂ ਇਲਾਵਾ $5,000 ਤੱਕ ਦਾ ਜੁਰਮਾਨਾ ਹੋ ਸਕਦਾ ਹੈ।
