14.29C Vancouver 14.29C VancouverMar 16, 2026 3:10 PM - Connect Newsroom - Jasmine Singh with files from The Canadian Press
ਵੈਨਕੂਵਰ ਆਈਲੈਂਡ ਦੇ ਪੋਰਟ ਐਲਬਰਨੀ ਵਿਚ ਵਾਪਰੀ ਇੱਕ ਘਟਨਾ ਵਿਚ ਪੁਲਿਸ ਨੇ ਇੱਕ 81 ਸਾਲਾ ਬਜ਼ੁਰਗ 'ਤੇ ਕਤਲ ਦੇ ਚਾਰਜਿਜ਼ ਲਗਾਏ ਗਏ ਹਨ। ਇਹ ਮਾਮਲਾ ਸ਼ੁੱਕਰਵਾਰ ਰਾਤ ਇੱਕ ਟ੍ਰੇਲਰ ਪਾਰਕ ਵਿਚ ਹੋਈ ਸ਼ੂਟਿੰਗ ਨਾਲ ਸਬੰਧਤ ਹੈ।
ਪੋਰਟ ਐਲਬਰਨੀ ਆਰ.ਸੀ.ਐਮ.ਪੀ. ਮੁਤਾਬਕ 13 ਮਾਰਚ ਦੀ ਰਾਤ ਕਰੀਬ 9 ਵਜੇ ਪੁਲਿਸ ਨੂੰ 911 'ਤੇ ਗੋਲੀ ਚੱਲਣ ਦੀ ਸੂਚਨਾ ਮਿਲੀ, ਜਦੋਂ ਪੁਲਿਸ ਟੀਮ ਮੌਕੇ 'ਤੇ ਪਹੁੰਚੀ ਤਾਂ ਉੱਥੇ ਤਿੰਨ ਵਿਅਕਤੀ ਮੌਜੂਦ ਸਨ, ਜਿਨ੍ਹਾਂ ਵਿੱਚੋਂ ਇੱਕ ਗੋਲੀ ਲੱਗਣ ਕਾਰਨ ਗੰਭੀਰ ਜ਼ਖਮੀ ਸੀ।
ਫਰਸਟ ਰਿਸਪਾਂਡਰ ਨੇ ਉਸ ਦੀ ਜਾਨ ਬਚਾਉਣ ਦੀ ਕੋਸ਼ਿਸ਼ ਕੀਤੀ ਪਰ ਉਸ ਦੀ ਮੌਕੇ 'ਤੇ ਹੀ ਮੌਤ ਹੋ ਗਈ। ਪੁਲਿਸ ਨੇ ਇਸ ਮਾਮਲੇ ਵਿਚ ਪੋਰਟ ਐਲਬਰਨੀ ਦੇ ਰਹਿਣ ਵਾਲੇ 81 ਸਾਲਾ ਹਰਬਰਟ ਕਰੌਲੀ ਨੂੰ ਗ੍ਰਿਫਤਾਰ ਕੀਤਾ। ਉਸ 'ਤੇ ਸੈਕਿੰਡ ਡਿਗਰੀ ਮਰਡਰ ਅਤੇ ਕਤਲ ਦੀ ਕੋਸ਼ਿਸ਼ ਦੇ ਦੋਸ਼ ਲਗਾਏ ਗਏ ਹਨ। ਇਸ ਕੇਸ ਦੀ ਜਾਂਚ ਹੁਣ ਵੈਨਕੂਵਰ ਆਈਲੈਂਡ ਇੰਟਰਗ੍ਰੇਟਿਡ ਮੇਜਰ ਕ੍ਰਾਈਮ ਯੂਨਿਟ ਨੂੰ ਸੌਂਪੀ ਗਈ ਹੈ।
