14.22C Vancouver 14.22C VancouverMar 17, 2022 1:22 AM - The Canadian Press
ਟੈਕਸਸ ਦੇ ਵਿੱਚ ਇੱਕ ਭਿਆਨਕ ਆਹਮੋ-ਸਾਹਮਣੇ ਦੀ ਟੱਕਰ 'ਚ 9 ਲੋਕਾਂ ਦੀ ਮੌਤ ਹੋ ਗਈ ਹੈ।
ਘਟਨਾ 'ਚ 2 ਔਂਟੈਰੀਓ ਵਾਸੀਆਂ ਦੇ ਗੰਭੀਰ ਜਖਮੀ ਹੋਣ ਦੀ ਜਾਣਕਾਰੀ ਵੀ ਦਿੱਤੀ ਗਈ ਹੈ।
ਮ੍ਰਿਤਕ ਲੋਕਾਂ 'ਚ ਨਿਊ ਮੈਕਸੀਕੋ ਯੂਨੀਵਰਸਿਟੀ ਦੇ 6 ਵਿਦਿਆਰਥੀ ਅਤੇ ਇੱਕ ਕੋਚ ਨੂੰ ਸ਼ਾਮਿਲ ਦੱਸਿਆ ਗਿਆ।
ਇਹ ਪੀੜਤ ਲੋਕ ਇੱਕ ਗੌਲਫ ਟੂਰਨਾਮੈਂਟ ਤੋਂ ਪਰਤ ਰਹੇ ਸਨ।
ਘਟਨਾ ਮੰਗਲਵਾਰ ਸ਼ਾਮ ਵਾਪਰੀ ਦੱਸੀ ਗਈ ਹੈ।
ਪੀੜਤਾਂ ਦੇ ਵਿੱਚ ਪੁਰਤਗਾਲ ਅਤੇ ਮੈਕਸੀਕੋ ਤੋਂ ਯੂਨੀਵਰਸਿਟੀ ਆਫ ਸਾਊਥਵੈਸਟ ਦੇ ਵਿਦਿਆਰਥੀ ਵੀ ਸ਼ਾਮਿਲ ਸਨ।
2 ਕਨੇਡੀਅਨ ਵਿਦਿਆਰਥੀਆਂ ਨੂੰ ਹਸਪਤਾਲ ਪਹੁੰਚਾਇਆ ਗਿਆ।
ਜਾਣਕਾਰੀ ਅਨੁਸਾਰ ਇੱਕ ਪਿਕਅਪ ਟਰੱਕ ਐਂਡਰਿਊਸ ਕਾਉਂਟੀ ਕੋਲ ਮੱਧ-ਰੇਖਾ ਪਾਰ ਕਰ ਗਿਆ ਸੀ।
ਇਸੇ ਦੌਰਾਨ ਪਿਕਅਪ ਟਰੱਕ ਦੀ ਇੱਕ ਵੈਨ ਨਾਲ ਟੱਕਰ ਹੋ ਗਈ।
ਪਿਕਅਪ ਟਰੱਕ ਦੇ ਚਾਲਕ ਅਤੇ ਉਸ ਨਾਲ ਸਵਾਰ 13 ਸਾਲਾ ਸਵਾਰੀ ਦੀ ਵੀ ਮੌਤ ਹੋਣ ਦੀ ਜਾਣਕਾਰੀ ਦਿੱਤੀ ਗਈ ਹੈ।
ਗੰਭੀਰ ਰੂਪ 'ਚ ਜਖਮੀ ਹੋਏ ਕਨੇਡੀਅਨਸ ਦੀ ਪਛਾਣ 19 ਸਾਲਾ ਡੇਟਨ ਪ੍ਰਾਈਸ ਅਤੇ 20 ਸਾਲਾ ਹੇਡਨ ਅੰਡਰਹਿਲ ਵਜੋਂ ਹੋਈ ਹੈ।
