19.32C Vancouver 19.32C VancouverJun 30, 2025 5:17 PM - Connect Newsroom
ਅਮਰੀਕਾ ਦੇ ਰਾਸ਼ਟਰਪਤੀ ਡੋਲਨਡ ਟਰੰਪ ਦਾ ਕਹਿਣਾ ਹੈ ਕਿ ਟੈਰਿਫ 'ਤੇ 9 ਜੁਲਾਈ ਨੂੰ ਸਮਾਪਤ ਹੋ ਰਹੀ 90 ਦਿਨਾਂ ਦੀ ਰੋਕ ਉਨ੍ਹਾਂ ਵਲੋਂ ਹੋਰ ਅੱਗੇ ਵਧਾਉਣ ਦਾ ਇਰਾਦਾ ਨਹੀਂ ਹੈ। ਉਨ੍ਹਾਂ ਕਿਹਾ ਕਿ ਜਿਨ੍ਹਾਂ ਮੁਲਕਾਂ ਨਾਲ ਨਿਰਧਾਰਤ ਗੱਲਬਾਤ ਦੀ ਸਮਾਂ- ਸੀਮਾ ਬਿਨਾਂ ਸਮਝੌਤੇ ਦੇ ਸਮਾਪਤ ਹੋ ਜਾਵੇਗੀ ਉਨ੍ਹਾਂ 'ਤੇ ਟੈਰਿਫ ਉਦੋਂ ਤੱਕ ਲਾਗੂ ਰਹਿ ਸਕਦਾ ਹੈ ਜਦੋਂ ਤੱਕ ਅਮਰੀਕਾ ਨਾਲ ਉਨ੍ਹਾਂ ਦਾ ਵਪਾਰ ਸਮਝੌਤਾ ਨਹੀਂ ਹੋ ਜਾਂਦਾ।
ਉਨ੍ਹਾਂ ਕਿਹਾ ਕਿ ਸਮਾਂ ਸੀਮਾ ਸਮਾਪਤ ਹੋਣ ਤੋਂ ਪਹਿਲਾਂ ਹੀ ਸਬੰਧਤ ਮੁਲਕਾ ਨੂੰ ਚਿੱਠੀ ਭੇਜਣੀ ਸ਼ੁਰੂ ਹੋ ਜਾਵੇਗੀ। ਟਰੰਪ ਨੇ ਸੰਕੇਤ ਦਿੱਤਾ ਕਿ ਜ਼ਿਆਦਾਤਰ ਮੁਲਕਾਂ ਨੂੰ ਅਮਰੀਕਾ ਵਿਚ ਮਾਲ ਵੇਚਣ ਲਈ 25 ਫੀਸਦੀ, 35 ਫੀਸਦੀ ਜਾਂ 50 ਫੀਸਦੀ ਜਾਂ ਫਿਰ 10 ਫੀਸਦੀ ਟੈਰਿਫ ਦਾ ਸਾਹਮਣਾ ਕਰਨਾ ਹੋਵੇਗਾ। ਰਾਸ਼ਟਰਪਤੀ ਨੇ ਕਿਹਾ ਕਿ ਗੱਲਬਾਤ ਜਾਰੀ ਹੈ ਪਰ 200 ਦੇਸ਼ ਹਨ, ਸਾਰਿਆਂ ਨਾਲ ਗੱਲ ਨਹੀਂ ਹੋ ਸਕਦੀ।
