11.73C Vancouver 11.73C VancouverNov 11, 2022 1:07 AM - The Canadian Press
ਸਰੀ ਪੁਲਿਸ ਸਰਵਿਸ ਵੱਲੋਂ ਇੱਕ ਪਲੈਜ ਸੰਬੰਧੀ ਜਾਣਕਾਰੀ ਜਾਰੀ ਕੀਤੀ ਗਈ ਹੈ ਜਿਸ 'ਤੇ ਵੱਡੀ ਗਿਣਤੀ ਦੇ ਵਿੱਚ ਸਰੀ ਪੁਲਿਸ ਸਰਵਿਸ ਦੇ ਮੈਂਬਰਾਂ ਨੇ ਦਸਤਖਤ ਕੀਤੇ ਹਨ।
9 ਨਵੰਬਰ ਨੂੰ ਯਾਨੀ ਕਿ ਬੁੱਧਵਾਰ ਨੂੰ ਸਰੀ ਦੀ ਮੇਅਰ ਬ੍ਰੈਂਡਾ ਲੌਕ ਨੇ ਇੱਕ ਇੰਟਰਵਿਊ ਦੌਰਾਨ ਆਖਿਆ ਸੀ ਕਿ ਸਰੀ ਪੁਲਿਸ ਯੂਨੀਅਨ ਦੇ ਅਫਸਰਾਂ ਅਤੇ ਸਿਵਿਲੀਅਨ ਸਟਾਫ਼ ਦਾ ਧਿਆਨ ਰੱਖਿਆ ਜਾਵੇਗਾ ਜਿਸ ਦੇ ਲਈ ਸਰੀ ਆਰ.ਸੀ.ਐਮ.ਪੀ. ਨਾਲ ਮਿਲ ਕੇ ਕਥਿਤ ਤੌਰ 'ਤੇ ਕੰਮ ਕੀਤਾ ਜਾ ਰਿਹਾ ਹੈ।
ਹਾਲਾਂਕਿ ਇਸ ਤੋਂ ਬਾਅਦ ਸਰੀ ਪੁਲਿਸ ਯੂਨੀਅਨ ਦੇ ਪਲੈਜ ਸੰਬੰਧੀ ਜਾਣਕਾਰੀ ਦਿੱਤੀ ਗਈ ਜਿਸ 'ਤੇ ਐਸ.ਪੀ.ਯੂ. ਦੇ 293 ਵਿੱਚੋਂ 275 ਫਰੰਟਲਾਈਨ ਅਫਸਰਾਂ ਨੇ ਦਸਤਖਤ ਕੀਤੇ ਹਨ।
ਇਸ 'ਚ ਬਾਕੀ ਸਾਰੇ ਬਿਆਨ ਸਮੇਤ ਇੱਕ ਸਟੇਟਮੈਂਟ 'ਚ ਲਿਖਿਆ ਹੈ, "ਮੈਂ ਡਿਕਲੇਅਰ ਕਰਦਾ ਜਾਂ ਕਰਦੀ ਹਾਂ, ਜੇਕਰ ਸਰੀ ਪੁਲਿਸ ਸਰਵਿਸ ਹੋਂਦ 'ਚ ਨਹੀਂ ਆਉਂਦੀ ਤਾਂ ਮੇਰੀ ਕੋਈ ਇਨਟੈਂਸ਼ਨ ਨਹੀਂ ਹੈ ਕਿ ਮੈਂ ਆਪਣੇ ਕਰੀਅਰ ਦੇ ਅਗਲੇ ਕਦਮ ਵਜੋਂ ਆਰ.ਸੀ.ਐਮ.ਪੀ. ਦੀ ਕਿਸੇ ਵੀ ਡਿਟੈਚਮੈਂਟ ਦਾ ਹਿੱਸਾ ਬਣਾਂ।"
ਐਸ.ਪੀ.ਯੂ. ਪ੍ਰਧਾਨ ਰਿਕ ਸਟੀਵਰਟ ਨੇ ਕਿਹਾ ਕਿ ਮੇਅਰ ਦੀਆਂ ਟਿੱਪਣੀਆਂ ਸਿਟੀ ਹਾਲ ਸਿਆਸਤ ਅਤੇ ਸਰੀ ਪੁਲਿਸ ਸਰਵਿਸ ਵਿਚਾਲੇ ਦੇ ਡਿਸਕਨੈਕਟ ਨੂੰ ਦਰਸ਼ਾਉਂਦੀਆਂ ਹਨ।
ਉਨ੍ਹਾਂ ਕਿਹਾ ਕਿ ਸਾਡੇ ਅਫਸਰਾਂ ਨੇ ਇਸ ਡੈਕਲਰੇਸ਼ਨ 'ਤੇ ਵੌਲੰਟਰੀ ਢੰਗ ਨਾਲ ਦਸਤਖਤ ਕੀਤੇ ਹਨ।
