22.72C Vancouver 22.72C VancouverJun 18, 2020 9:24 PM -
ਸਰੀ ਦੇ ਇੱਕ ਵਿਅਕਤੀ ਨੂੰ $13,000 ਤੱਕ ਦੇ ਜੁਰਮਾਨੇ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ।
ਅਜਿਹੇ ਉਸ ਵੇਲੇ ਹੋ ਸਕਦਾ ਹੈ ਜੇਕਰ ਇਸ ਵਿਅਕਤੀ ਨੂੰ ਵੈਨਕੂਵਰ ਤੋਂ ਟੋਰੌਂਟੋ ਜਾਂਦੀ ਉਡਾਣ ਦਾ ਰਸਤਾ ਬਦਲਣ ਲਈ ਦੋਸ਼ੀ ਪਾਇਆ ਜਾਂਦਾ ਹੈ।
ਸਰੀ ਦੇ ਇੱਕ 60 ਸਾਲਾ ਵਿਅਕਤੀ ਨੂੰ ਐਤਵਾਰ ਨੂੰ ਗ੍ਰਿਫਤਾਰ ਕੀਤਾ ਗਿਆ ਸੀ।
ਕਥਿਤ ਤੌਰ 'ਤੇ ਵਿਅਕਤੀ ਨੇ ਹਵਾਈ ਜਹਾਜ਼ ਦੇ ਵਿੱਚ ਸਿਗਰੇਟ ਸੁਲਗਾਈ ਸੀ, ਅਤੇ ਕਰਿਊ ਦੇ ਨਿਰਦੇਸ਼ਾਂ ਨੂੰ ਮੰਨਣ ਤੋਂ ਇਨਕਾਰ ਕੀਤਾ ਸੀ।
ਵਿਅਕਤੀ ਨੇ ਮਾਸਕ ਪਹਿਨਣ ਤੋਂ ਵੀ ਇਨਕਾਰ ਕੀਤਾ ਸੀ।
ਇਸ ਹਵਾਈ ਜਹਾਜ਼ ਦਾ ਰਸਤਾ ਬਦਲਦੇ ਹੋਏ ਵਿਨੀਪੈਗ 'ਚ ਉਤਾਰਿਆ ਗਿਆ ਸੀ।
ਵਿਨੀਪੈਗ ਆਰ.ਸੀ.ਐਮ.ਪੀ. ਵੱਲੋਂ ਇਸ ਵਿਅਕਤੀ 'ਤੇ ਸ਼ਰਾਰਤ ਸੰਬੰਧੀ $5,000 ਤੱਕ ਦੇ ਦੋਸ਼ ਲਗਾਏ ਗਏ ਹਨ।
ਪਰ ਇਸ ਜੁਰਮਾਨੇ ਦੇ ਤਿੱਗਣਾ ਹੋਣ ਦੇ ਆਸਾਰ ਹਨ, ਜੇਕਰ ਇਹ ਸਾਹਮਣੇ ਆਉਂਦਾ ਹੈ ਕਿ ਵਿਅਕਤੀ ਨੇ ਏਵੀਏਸ਼ਨ ਰੈਗੂਲੇਸ਼ਨ ਦੀ ਉਲੰਘਣਾ ਕੀਤੀ ਹੈ।
