14.48C Vancouver 14.48C VancouverNov 17, 2021 5:40 PM - The Canadian Press
ਜਿੱਥੇ ਇੱਕ ਪਾਸੇ ਅਬੋਸਫੋਰਡ ਵਿੱਚ ਆਏ ਹੜਾਂ ਕਰਕੇ ਕਈ ਘਰ ਖਾਲੀ ਕਰਵਾਏ ਜਾ ਰਹੇ ਹਨ ਉੱਥੇ ਹੀ ਇੱਕ ਆਰ ਵੀ ਡੀਲਰਸ਼ਿਪ ਵਿੱਚ ਲੱਗੀ ਅੱਗ ਨਾਲ 40 ਦੇ ਕਰੀਬ ਫਾਇਰ ਫਾਈਟਰ ਜੂਝ ਰਹੇ ਹਨ।
ਉੱਥੇ 100 ਦੇ ਕਰੀਬ ਕੈਂਪਰ ਬਹੁਤ ਨੇੜੇ ਨੇੜੇ ਖੜੇ ਸਨ ਅਤੇ ਫਾਇਰ ਚੀਫ਼ ਡੇਰਿਨ ਲੀ ਦਾ ਕਹਿਣਾ ਸੀ ਕਿ ਉੱਪਰੋਂ ਲੰਘਦੀਆਂ ਬਿਜਲੀ ਦੀਆਂ ਤਾਰਾਂ ਕਰਕੇ ਸਥਿਤੀ ਹੋਰ ਵੀ ਖਤਰਨਾਕ ਬਣ ਗਈ ਸੀ।
ਉੱਥੇ ਫਰੇਜ਼ਰ ਨਦੀ ਵਿੱਚ ਪਾਣੀ ਦਾ ਪੱਧਰ ਪਿਛਲੇ 24 ਘੰਟਿਆਂ ਵਿੱਚ 2 ਮੀਟਰ ਘੱਟ ਗਿਆ ਹੈ ਜੇ ਇਹ ਪੱਧਰ 1 ਹੋਰ ਮੀਟਰ ਘੱਟ ਜਾਵੇਗਾ ਤਾਂ ਉੱਥੇ ਦੇ ਇੱਕ ਪੰਪਇੰਗ ਸਟੇਸ਼ਨ ਦੀ ਮੱਦਦ ਨਾਲ ਇਸ ਨੂੰ ਹੋਰ ਘਟਾਉਣਾ ਸੌਖਾ ਹੋਵੇਗਾ।
ਕੈਨੇਡਾ ਦੇ ਪਬਲਿਕ ਸੇਫਟੀ ਮਿਨਿਸਟਰ ਬਿੱਲ ਬਲੇਯਰ ਨੇ ਅੱਜ ਐਲਾਨ ਕੀਤਾ ਕਿ ਬੀ ਸੀ ਵਿੱਚ ਘਰ ਖਾਲੀ ਕਰਵਾਉਣ ਵਿੱਚ ਮੱਦਦ ਕਰਨ, ਸਪਲਾਈ ਚੇਨ ਨੂੰ ਨਿਰਵਿਘਨ ਰੱਖਣ ਅਤੇ ਬੀ ਸੀ ਦੇ ਲੋਕਾਂ ਨੂੰ ਸੁਰੱਖਿਅਤ ਰੱਖਣ ਵਿੱਚ ਸਹਾਇਤਾ ਕਰਨ ਲਈ ਕੈਨੇਡਾ ਦੀ ਸਰਕਾਰ ਫੌਜ ਨੂੰ ਇੱਥੇ ਭੇਜ ਰਹੀ ਹੈ।
