ਮਹਿਲਾ ਨਾਲ ਹੋਏ ਜਿਨਸੀ ਸ਼ੋਸ਼ਣ ਦੇ ਮਾਮਲੇ 'ਚ ਅਬਟਸਫੋਰਡ ਪੁਲਿਸ ਵੱਲੋਂ ਸ਼ੱਕੀਆਂ ਦੀ ਕੀਤੀ ਜਾ ਰਹੀ ਭਾਲ

ਐਬਟਸਫੋਰਡ ਵਿਚ ਇੱਕ ਮਹਿਲਾ ਨਾਲ ਜਿਨਸੀ ਸ਼ੋਸ਼ਣ ਦੇ ਗੰਭੀਰ ਮਾਮਲੇ ਵਿਚ ਪੁਲਿਸ ਵਲੋਂ 4 ਸਾਊਥ ਏਸ਼ੀਅਨ ਮੂਲ ਦੇ ਨੌਜਵਾਨਾਂ ਦੀ ਭਾਲ ਕੀਤੀ ਜਾ ਰਹੀ ਹੈ। ਔਫੀਸਰ ਮੁਤਾਬਕ, ਘਟਨਾ 10 ਫਰਵਰੀ ਨੂੰ ਵਾਪਰੀ ਸੀ, ਜਿਸ ਦੀ ਰਿਪੋਰਟ ਪੀੜਤ ਮਹਿਲਾ ਨੇ 27 ਫਰਵਰੀ ਨੂੰ ਦਰਜ ਕਰਵਾਈ ਅਤੇ ਉਸ ਨੇ ਪੁਲਿਸ ਨੂੰ ਦੱਸਿਆ ਕਿ 4 ਸਾਊਥ ਏਸ਼ੀਅਨ ਮੂਲ ਦੇ ਵਿਅਕਤੀਆਂ ਨੇ ਉਸ ਨੂੰ ਕੈਨਨ ਐਵੇਨਿਊ ਅਤੇ ਬੇਵਨ ਐਵੇਨਿਊ ਦੇ ਇਲਾਕੇ ਤੋਂ ਆਪਣੀ ਗੱਡੀ ਵਿਚ ਬਿਠਾਇਆ ਅਤੇ ਉਸ ਨੂੰ ਗੱਡੀ ਵਿਚੋਂ ਉਤਰਨ ਨਹੀਂ ਦਿੱਤਾ ਤੇ ਸੁਮਾਸ ਮਾਊਂਟੇਨ ਇਲਾਕੇ ਵਿਚ ਲਿਜਾ ਕੇ ਉਸ ਦਾ ਜਿਨਸੀ ਸ਼ੋਸ਼ਣ ਕੀਤਾ।

ਪੁਲਿਸ ਮੁਤਾਬਕ, ਸ਼ੱਕੀ ਵਿਅਕਤੀ ਇੱਕ ਚਿੱਟੇ ਰੰਗ ਦੀ ਲਿੰਕਨ ਨੈਵੀਗੇਟਰ ਜਾਂ ਉਸ ਵਰਗੀ ਗੱਡੀ ਵਿਚ ਸਵਾਰ ਸਨ। ਸ਼ੱਕੀਆਂ ਵਿਚ ਇੱਕ ਦੇ ਪਤਲੀ ਲਾਈਨ ਵਾਲੀ ਦਾੜ੍ਹੀ ਰੱਖੀ ਹੋਈ ਸੀ, ਜਿਸ ਦੀ ਉਮਰ 25 ਤੋਂ 35 ਸਾਲ ਹੋਣ ਦਾ ਅਨੁਮਾਨ ਹੈ, ਇੱਕ ਸ਼ੱਕੀ ਭਾਰੀ ਸਰੀਰ ਦਾ ਸੀ, ਜਿਸ ਦੇ ਦੋਵਾਂ ਕੰਨਾਂ ਵਿਚ ਡਾਇਮੰਡ ਏਅਰਿੰਗ ਸਨ। ਇੱਕ ਸ਼ੱਕੀ ਦੇ ਵਾਲ ਕਾਲੇ ਅਤੇ ਕੁਝ ਚਿੱਟੇ ਸਨ। ਚੌਥਾ ਸ਼ੱਕੀ ਕਲੀਨ ਸ਼ੇਵ ਅਤੇ ਉਸ ਦੇ ਸਟੇਟ ਹੇਅਰ ਸਨ।

ਪੁਲਿਸ ਵੱਲੋਂ ਇਸ ਮਾਮਲੇ ਨੂੰ ਟਾਰਗੇਟਿਡ ਮੰਨਿਆ ਜਾ ਰਿਹਾ ਹੈ, ਇਨਵੈਸਟੀਗੇਟਰਸ ਵਲੋਂ ਮਾਮਲੇ ਦੀ ਜਾਣਕਾਰੀ ਵਾਲੇ ਲੋਕਾਂ ਨੂੰ ਜਾਂਚ ਵਿਚ ਸਹਿਯੋਗ ਦੀ ਅਪੀਲ ਕੀਤੀ ਗਈ ਹੈ।